shuaib chaliyam

"You talkin' to me? You talkin' to me? You talkin' to me? Well, who the hell else are you talkin' to? You talkin' to me? Well, I'm the only one here. Who the f–k do you think you're talkin' to?"

66.Xala (1975) dir:Ousmane Sembene genre:Comedy


അഴിമതിയും ആഭ്യന്തര കലഹങ്ങളും നിറഞ്ഞ ആഫ്രിക്കൻ ഭൂഖണ്ഡത്തിൽ നിന്നുള്ള സിനിമകൾ പുറം ലോകത്തു വളരെ കുറച്ചു ശ്രദ്ധ മാത്രമേ കിട്ടാറുള്ളൂ.ഇന്ന് നമ്മുടെ ഇടയിൽ ലാറ്റിൻ അമേരിക്കൻ സിനിമകൾക്കു വരെ ഇടം കിട്ടുമ്പോഴും ആഫ്രിക്കൻ സിനിമകൾ തഴയപ്പെടാറാണ് ഉള്ളത്,പ്രത്യേകിച്ച് നമ്മുടെ സൗന്ദര്യ ബോധത്തിൽ കറുപ്പ് എന്നത് സൗന്ദര്യമില്ലായ്മയുടെയും പരിഹാസങ്ങൾക്കും മാത്രമുള്ള ഒന്നായി മാറുമ്പോൾ.ഈ ആഫ്രിക്കൻ സിനിമയുടെ ശൈലി നിർണയിക്കുന്നതിൽ പ്രധാന പങ്കു വഹിച്ച നോവലിസ്റ്റ്ഉം കൂടി ആയ Ousmane Sembene യുടെ നേതൃത്വത്തിൽ ഉള്ള ഒരു കൂട്ടം സംവിധായകരിലൂടെ ആണ്.അദ്ദേഹം സംവിധാനം ചെയ്ത Xala സ്വാതന്ത്ര്യാനന്തര സെനഗൽ ലെ സാമൂഹിക സാമ്പത്തിക കൊള്ളരുതായ്മകളെ ആക്ഷേപഹാസ്യത്തിന്റെ സഹായത്തോടെ അവതരിപ്പിക്കുകയാണ്.
സിനിമ തുടങ്ങുന്നത് സ്വാതന്ത്ര്യത്തിന്റെ ആഘോഷത്തിൽ നിന്നാണ്,അവിടെയുള്ള പരമ്പരാഗതമായ വസ്ത്രം ധരിച്ച ഒരു കൂട്ടം ആളുകൾ ചേംബർ ഓഫ് കോമേഴ്സ് ലേക്ക് കയറുകയും അവിടെയുള്ള വെള്ളക്കാരന്റെ അല്ലെങ്കിൽ ഫ്രഞ്ച് പ്രതിനിധികളെയും അവരുടെ അവശേഷിപ്പുകളായ പ്രതിമകളെയും പുറം തള്ളുകയും ചെയ്യുന്നു.പിന്നീട് ഇതേ ആളുകൾ പാശ്ചാത്യ ശൈലിയിൽ കോട്ടും സ്യൂട്ടും ഇട്ടു വന്നു മുൻപ് ഫ്രഞ്ച് പ്രതിമ വെച്ചിട്ടത് അവരിൽ തന്നെ ഉള്ള പ്രസിഡന്റ് ന്റെ കോട്ടും സ്യൂട്ടും ഇട്ട ഫോട്ടോ വെക്കുകയും ചെയ്യുന്നു.african socialism പോലുള്ള മുദ്രാവാക്യം ഉയർത്തിയ ഇവരുടെ ഇടയിലേക്ക് മുൻപ് പുറത്താക്കിയ ഫ്രഞ്ച് പ്രതിനിധി ചേംബർ ഓഫ് കോമേഴ്സ് ലേക്ക് കയറി വന്നു ഓരോരുത്തർക്കും suit-case വിതരണം ചെയ്യുകയും ചെയ്യുന്നു,ക്യാഷ് നിറഞ്ഞ suit-case സ്വീകരിക്കുന്ന അവർ തങ്ങൾക്കു ഇത് തന്ന ആ ഫ്രഞ്ച് പ്രതിനിധിക്കു നില്ക്കാൻ അവിടെ അവസരം കൊടുക്കുകയും ചെയ്യുന്നു.ഇതേ രംഗത്തിൽ തന്നെ el hadji എന്ന മുഖ്യ കഥാപാത്രത്തിന്റെ മൂന്നാമത്തെ കല്യാണത്തെ അവിടെ പ്രസിഡന്റ് പ്രഖ്യാപിക്കുകയും ചെയ്യുന്നു.വളരെ വിലപിടിപ്പു ഏറിയതും കാർ അടക്കമുള്ള സമ്മാനങ്ങൾ കൊടുത്തു നടത്തുന്ന ഈ കല്യാണത്തിനു തുറന്ന എതിർപ്പ് ഒന്നും പ്രകടിപ്പിക്കാത്ത adja awa യും,ഈ വിവാഹം ഒന്നാം ഭാര്യക്കു തന്നോടുള്ള അസൂയ കൊണ്ട് El hadji യെ കൊണ്ട് കഴിപ്പിക്കുന്ന വിവാഹമാണ് എന്ന് ധരിച്ചിരിക്കുന്ന oumi എന്ന രണ്ടാം ഭാര്യയെയും നമ്മുടെ മുന്നിൽ അവതരിപ്പിക്കുന്നു.പക്ഷെ ഇതിനെ തുറന്നു എതിർക്കുന്ന Rama എന്ന ആദ്യ ഭാര്യയിലെ പെൺകുട്ടിയെയും അവളെ അടിച്ചമർത്തുന്ന El hadji യെയും നാം കാണുകയും ചെയ്യുന്നു.ആഡംബരം നിറഞ്ഞതും വർണശബളമായതും ആയ വിവാഹം കഴിഞ്ഞു രാത്രിയിൽ El hadji താൻ ഷണ്ഡനായി പോയ വിവരം അറിയുകയും ചെയ്യുന്നു.അത് xala(ശാപം) കാരണമാണെന്ന് വിചാരിക്കുന്ന El hadji യുടെ ജീവിതത്തിലൂടെ ആണ് സിനിമ തുടർന്ന് പോകുന്നത്.
തന്റെ പൗരുഷത്തിനു ഏറ്റ കനത്ത തിരിച്ചടിയിൽ നിന്ന് മോചനം നേടാൻ വേണ്ടി പ്രയത്നിക്കുന്ന El hadji യുടെ അവസ്ഥ ഹാസ്യം സൃഷ്ടിക്കുകയും ചെയ്യുന്നുണ്ട്.ഇതേ സമയം തന്റെ business അടക്കം കോട്ടം തട്ടുന്ന El hadji യെ കാണിക്കുന്ന സിനിമ സെനഗൽ അല്ലെങ്കിൽ ആഫ്രിക്കയെ അതിന്റെ ചീഞ്ഞളിഞ്ഞ യാഥാർഥ്യത്തിലൂടെ അവതരിപ്പിക്കുകയാണ് ഇവിടെ.തന്റെ Xala മാറി കിട്ടാൻ പല മന്ത്രവാദികളുടെ അടുത്ത് പോകുന്ന El hadji അതിനു വേണ്ടി കാശും ചിലവാക്കുന്നു.ഇതിൽ ഒരു മന്ത്രവാദിയെ പരിചയപ്പെടുത്തുന്നത് ഇദ്ദേഹത്തിന്റെ സുഹൃത്ത് ആയ പ്രസിഡന്റ് കൂടി ആണ്.ഡൌൺ to ഹിൽ character arc ആണ് ഇവിടെ El hadjiയുടേത് സിനിമ തുടങ്ങുമ്പോൾ സ്വതന്ത്രാനന്തര സെനഗൽ ലെ ഭരണത്തിലേക്കു എത്തിപ്പെടുന്ന ബൂർഷ്വയുടെ രൂപത്തിൽ അവതരിപ്പിക്കുന്ന El hadji ഫ്രഞ്ച് സംസ്കാരത്തെ അന്ധമായി പിന്തുടരുകയും പക്ഷെ തന്റെ ആവശ്യങ്ങൾക്ക് വേണ്ടി മാത്രം തന്റെ സംസ്കാരത്തിലേക്കു ഊളിയിടുന്ന ഇരട്ടതാപ്പും ഉൾക്കൊള്ളുന്ന ഒരാളാണ്.ഇന്ത്യയടക്കമുള്ള വികസ്വര മൂന്നാം ലോക രാഷ്ട്രങ്ങളിൽ കണ്ടു വരുന്ന ഇങ്ങനെ ഉള്ള ഇരട്ടത്താപ്പ് കാണിക്കുന്ന റൂളിംഗ് ക്ലാസ് നെ തന്നെ ആണ് ഇവിടെ El hadji യിലൂടെ സംവിധായകൻ പ്രശ്നവത്കരിക്കുന്നത്.
ഈ സിനിമയിലെ സ്ത്രീ കഥാപാത്രങ്ങൾ റിയാലിറ്റി യിൽ നിന്ന് കൊണ്ട് തന്നെ സിനിമയെ symbolic ആയിട്ടുള്ള മറ്റൊരു തലത്തിലേക്ക് ഉയർത്തുകയും ചെയ്യുന്നുണ്ട്.ആദ്യ ഭാര്യ awa തന്റെ സംസ്കാരത്തിലും മതത്തിലും ഊന്നി ഭർത്താവിന്റെ വിവാഹത്തെ പോലും എതിർക്കാതെ നോക്കി നിൽക്കുന്ന ഒരാളെ ആണ് അവതരിപ്പിക്കുന്നത്.awa patriarchal ഇസ്ലാമിക് സൊസൈറ്റിയിലെ സ്ത്രീകളുടെ ഉത്തമ പ്രതീകമാണ്,എന്തിനാണ് മൂന്നാം വിവാഹത്തിന് പോകുന്നത് എന്ന് മകൻ ചോദിക്കുമ്പോൾ അതെ സൊസൈറ്റിക്കു വഴങ്ങി കൊണ്ട് ഉത്തരം പറയുന്ന awa യെ നമ്മൾ കാണുന്നുണ്ട്.ഇതേ സമയം awa തന്റെ ഒന്നാം ഭാര്യ എന്ന ഇസ്ലാമിക കല്യാണത്തിന്റെ കീഴ്വഴക്കങ്ങളിലൂടെ കിട്ടിയ അധികാരത്തെ El hadji യുടെ രണ്ടാം ഭാര്യയുടെ മേൽ ഉപയോഗിക്കുകയും ചെയ്യുന്നു.തന്റെ ഭർത്താവിനോട് പണമൊന്നും അധികം വാങ്ങാതെ അയാളെ ചോദ്യം ചെയ്യാതെ കഴിയുന്ന awa രണ്ടാം ഭാര്യയായ oumi യിൽ അടക്കം മൂന്നാം വിവാഹം ഉണ്ടാക്കുന്ന പ്രത്യാഘാതം ഉള്കൊള്ളുന്നുമുണ്ട്.
രണ്ടാം ഭാര്യയായ oumi awa യുടെ നേര് വിപരീതമാണ് എന്ന് തന്നെ പറയാം.വളരെ മോഡേൺ ആയി വസ്ത്രം ധരിക്കുന്ന oumi ഭർത്താവിൽ നിന്ന് പണം വാങ്ങുകയും ചെയ്യുന്നുണ്ട്.oumi തന്റെ യുവത്വത്തിലും സൗന്ദര്യത്തിലും അതീവ ശ്രദ്ധ പുലർത്തുകയും ചെയ്യുന്ന ഒരാൾ ആണ്.ലൈംഗികപരമായ തന്റെ ആവശ്യങ്ങൾ പോലും വളരെ കർക്കശമായ രീതിയിൽ തന്നെ ചോദിച്ചു വാങ്ങുന്ന oumi ഒരു രംഗത്തിൽ ഷണ്ഡനായ El hadji യോട് “It’s my turn. I want you at the house tonight. You know I am always ready.” ഇങ്ങനെ പറയുകയും ചെയ്യുന്നുണ്ട്.നിർബന്ധപൂർവം El hadji യിൽ നിന്ന് പണം വാങ്ങുന്ന oumi തന്റെ സ്റ്റാറ്റസ് നിലനിർത്തുന്നുമുണ്ട്.El hadji ക്കു ലൈംഗികപരമായും സാമ്പതികപരമായും ഉള്ള തന്റെ ആവശ്യങ്ങളെ നിറവേറ്റാൻ സാധിക്കില്ല എന്ന് തിരിച്ചറിഞ്ഞ oumi തന്റെ വിലപിടിപ്പുള്ള എല്ല സാധനങ്ങളും ആയി നാട് വിടുകയും ചെയ്യുന്നുണ്ട്.
El hadji യുടെ മൂന്നാം ഭാര്യയായ N’gone അയാളുടെ സ്റ്റാറ്റസ് ന്റെ സിംബൽ ആയിട്ടാണ് സിനിമയിൽ ഉയർന്നു വരുന്നത്.ഭാര്യമാരുടെ എണ്ണവും അവരുടെ കന്യകത്വവും എല്ലാം patriarchal സൊസൈറ്റി യിൽ തലയെടുപ്പ് വർദ്ധിപ്പിക്കുന്ന ഒരു സാഹചര്യത്തെ ഇവിടെ വരച്ചു കാട്ടുന്നത്.തന്റെ സഹപ്രവർത്തകർക്കിടയിൽ ഉള്ള ചർച്ചയിൽ “My first wife was a virgin and so was my second.”എന്ന് പറയുന്ന El hadji യിലൂടെ കാണിക്കുന്നത്.N’gone ഒരു ലൈംഗിക ഉപകരണം ആയിട്ട് ഉള്ള ഒരു കഥാപാത്ര വികസനം മാത്രമേ സംവിധായകൻ നല്കുന്നുള്ളൂ.അതിന്റെയൊപ്പം തന്നെ നീണ്ട ഘോഷയാത്ര പോലെ വന്ന സമ്മാന കാറും ഒക്കെ ആണ് N’gone El hadji ലൈംഗിക സാമ്പത്തിക നിലവാരത്തിന്റെ ആകെ തുക ആക്കി മാറ്റുന്നത്.El hadji യുടെ ഷണ്ഡത്വം യഥാർത്ഥത്തിൽ തന്റെ സാമ്പത്തിക സാമൂഹിക മുരടിപ്പ് തന്നെ ആയിട്ട് വേണം വിലയിരുത്താൻ.
Rama എന്ന ആദ്യ ഭാര്യയിലെ പെൺകുട്ടി ഇതിൽ നിന്നെല്ലാം വളരെ വ്യത്യസ്തമായിട്ടുള്ള ഒരാളാണ്,ഒരേ സമയം തന്റെ ഉപ്പയായ El hadji യുടെ ബഹുഭാര്യത്വത്തെ എതിർക്കുകയും മരുവശത് തന്റെ പരമ്പരാഗതമായ രീതികൾ പലതിലും കാണിക്കുകയും ചെയ്യുന്ന ഒരാളാണ്.തന്റെ വിദ്യാഭ്യാസത്തിന് വേണ്ടി പാശ്ചാത്യ ചിന്തയെ കടമെടുക്കുന്ന Rama,പമ്പരാഗതമായ ഒന്നിന്റെ നല്ല വശങ്ങൾ സ്വീകരിക്കുന്നതിൽ യാതൊരു വിധ ബുദ്ധിമുട്ടു കാണിക്കുന്നുമില്ല.പമ്പരാഗതമായ ഭാഷ wolof സംസാരിക്കുന്ന Rama,consumerism കാരണം കുത്തക കമ്പനി കളുടെ ഉത്പന്നങ്ങളോട് ഉണ്ടാകുന്ന ആകര്ഷകത്വം അത് നൽകുന്ന സ്റ്റാറ്റസ് നേയും Rama എതിർക്കുന്നുണ്ട്.
ഇതിൽ ഈ നാല് സ്ത്രീ കഥാപാത്രങ്ങളും ആഫ്രിക്കൻ ചരിത്രത്തിന്റെ വിവിധ ഘട്ടങ്ങളെ ആണ് നിർവചിക്കുന്നത്.ആഫ്രിക്കയുടെ തനത് സംസ്കാരത്തിൽ നിൽക്കുന്ന awa യും പാശ്ചാത്യ സംസ്കാരത്തിന്റെ അന്ധമായ പിന്തുടരുന്ന oumi യും ആഫ്രിക്ക യുടെ വിവിധ ഘട്ടങ്ങളെ പ്രതിനിധീകരിക്കുമ്പോൾ തന്നെ സ്വതന്ത്രാനന്തര ആഫ്രിക്ക യിൽ ഉടലെടുത്ത ബൂർഷ്വ വ്യവസ്ഥിതിയുടെ അമിതമായ ആർത്തിയുടെയും മുന്നിൽ വെറും ഉപകരണമായി മാറുന്ന ഒന്നിനെ പ്രതിനിധീകരിക്കുന്ന ഒന്നാണ് N’gone.ഇതിൽ മൂന്നിൽ നിന്നും വ്യത്യസ്തമായി സംവിധായകൻ Rama യെ ഉയർത്തിക്കാട്ടുന്നത്.samori ture, cabral തുടങ്ങിയ ആഫ്രിക്കൻ സ്വാതന്ത്ര്യ സമരസേനാനികളുടെ ഫോട്ടോ പതിച്ച റൂമിൽ ചാപ്ലിൻ ഉം ഉണ്ടെന്ന വസ്തുത ആണ് Rama യെ വ്യത്യസ്തനാക്കുന്നത്.El hadji യുടെ ബഹുഭാര്യത്വത്തെ ചോദ്യം ചെയ്യുന്ന Rama അതെ രൂപത്തിൽ തന്നെ കുത്തക ബ്രാൻഡ് കളോട് ഉം ഫ്രഞ്ച് ഭാഷയോടും El hadji ക്കു ഉള്ള അഭിനിവേശത്തെ ചോദ്യം ചെയ്യുന്നുണ്ട്.Rama യിൽ ആണ് സംവിധായകൻ ആഫ്രിക്ക യുടെ ഭാവി എന്ന് ഉറപ്പിച്ചു പറയുന്നുണ്ട് എന്ന് വേണം കരുതാൻ.El hadji യോട് അയാളുടെ ഗോഡൗൺ ൽ വെച്ച് സംസാരിക്കുന്ന Rama ക്കു പിന്നിൽ Rama യുടെ ഡ്രെസ്സിന്റെ കളർനു സമാനമായ അതിർത്തികൾ അടയാളപ്പെടുത്താത്ത ആഫ്രിക്കൻ ഭൂഖണ്ഡത്തെ കൊണ്ട് വെച്ച സംവിധായകൻ ഒരേ സമയം pan african ചിന്തയെ ഉണർത്തുകയും തങ്ങളുടെ ഭാവി പുരോഗമനപരമായ രീതിയിൽ പാരമ്പര്യത്തെയും പാശ്ചാത്യ സംസ്കാരത്തെയും സമീപിച്ചാൽ മാത്രമേ ഫ്രഞ്ച് ആധിപത്യത്തിന്റെ പാവകളായി മാറിയ പുതിയ റൂളിംഗ് ക്ലാസ് ൽ നിന്ന് മോചനം ഉണ്ടാവുകയുള്ളൂ എന്ന് തന്നെ ആണ് പറയുന്നത്.
ഈ സിനിമയിൽ വളരെ സിനിമാറ്റിക് ആയ ഒരു രംഗമുണ്ട് El hadji യുടെ കല്യാണ ദിവസം ഒരു വാതിലിനു അപ്പുറത്തും ഇപ്പുറത്തും നിന്ന് സംസാരിക്കുന്ന ഡെപ്യൂട്ടി യും മിനിസ്റ്റർ ഉം

Deputy: Mr. Minister, after you.

Minister: No, Mr. Deputy, after you.

Deputy: No, Minister, you are the government representative.

Minister: But you represent the people.

Deputy: I will wait.

Minister and Deputy: Let us wait.

ഇങ്ങനെ സംസാരിക്കുകയും അതിനിടയിലൂടെ ഒരു വേലക്കാരൻ വെള്ളം കൊണ്ട് അതെ ഡോർ ലൂടെ കടന്നു പോവുകയും ചെയ്യുന്നു,ഈ രംഗത്തിൽ നിന്ന് കട്ട് ചെയ്തു പാചകം ചെയ്ത ഇറച്ചി മുറിക്കുന്നതിലേക്കും കട്ട് ചെയ്തു കേക്ക് പങ്കുവെക്കുന്ന കൂട്ടത്തിലേക്കും പോകുന്നു.സ്വതന്ത്രാനന്തര ആഫ്രിക്കയിൽ രൂപപ്പെട്ട റൂളിംഗ് ക്ലാസ് ആണ് ആഫ്രിക്കയെ മുറിച്ചെടുത്തത് എന്നും താഴെക്കിടയിൽ ഉള്ളവർ ഇതിൽ നിരപരാധിയാണ് എന്നും വ്യക്തമായ സിനിമാറ്റിക് ആയിട്ട് സംവിധായകൻ അവതരിപ്പിക്കുന്നുണ്ട് ഈ രംഗങ്ങളിലൂടെ.
റിയലിസ്റ്റിക് ശൈലിയിൽ നിന്ന് കൊണ്ട് symbolic ആയിട്ടുള്ള വഴിയേ കൊത്തിയെടുത്ത സംവിധായകൻ Ousmane Sembène തന്റെ സിനിമയെ അവതരിപ്പിച്ചിരിക്കുന്നത് വിവിധ ചിന്തകളുടെ വൈരുദ്ധ്യാത്മക സംഘര്ഷത്തിലൂടെ ആണ് .വർഗ സംഘർഷത്തെയും ആഫ്രിക്കൻ റൂളിംഗ് ക്ലാസ് നേയും അവയെ നിയന്ത്രിച്ച ഫ്രഞ്ച് ആധിപത്യത്തെയും വരച്ചു കാട്ടുന്നതിൽ ഈ ആക്ഷേപ ഹാസ്യ സിനിമ വിജയിക്കുന്നുണ്ട്.അഭിനയത്തിൽ കുറച്ചു പോരായ്മകൾ കടന്നു വരുന്നുണ്ടെങ്കിലും അതിനെ സംവിധാനത്തിലൂടെ ഒഴിവാക്കുന്നുണ്ട്.ആഫ്രിക്കയുടെ തനത് സംഗീതം ഉപയോഗിക്കുന്ന സിനിമയുടെ സംഗീതവും മികച്ചതാണ്.ആഫ്രിക്കൻ സിനിമയിലെ മികച്ച സിനിമകളിൽ ഒന്നായ ഇത് കാണേണ്ട ഒന്നാണ്.

65.Pan’s Labyrinth (2006) dir:Guillermo del Toro genre:Drama, Fantasy, War

 ​

ലോക സിനിമയിൽ അറിയപ്പെടുന്ന മെക്സിക്കൻ സംവിധായകർ ആയ inarritu, cuaron തുടങ്ങിയവരുടെ സമാകാലീനനായ സംവിധായകൻ ആണ് guilermo del toro.അദ്ദേഹം സംവിധാനം ചെയ്ത Pan’s labrynth എന്ന സിനിമ പേരിൽ തന്നെ അതിന്റെ ആശയം ഉൾക്കൊള്ളുന്ന ഒന്നാണ് പാൻ എന്ന റോമൻ ദൈവം പാതി മൃഗവും(ആട്) പാതി മനുഷ്യനുമായ രൂപവും labrynth എന്നത് കുട്ടികൾ കളിക്കുന്ന വഴികാട്ടി puzzle ഉം ആണ്.ഈ സിനിമ പേര് സൂചിപ്പിക്കുന്ന പോലെ റിയാലിറ്റി യുടെയും ഫാന്റസിയുടെയും മിശ്രിതമായ രൂപത്തിൽ 1944ലെ സ്പെയിൻ പശ്ചാത്തലമാക്കി ഒഫെലിയ എന്ന കഥാപാത്രം നേരിടുന്ന പ്രശ്നങ്ങളെയും തന്റെ രണ്ടാം അച്ഛനും fascist ക്യാപ്റ്റൻ ഉം ക്രൂരനും ആയ vidal അമ്മ ആയ carmen വേലക്കാരിയും വിമതയും ആയ mercedes തുടങ്ങിയവരിലൂടെയും കഥ പറഞ്ഞു പോകുന്ന സിനിമ ആണ്.
പണ്ട് പണ്ട് പാതാളത്തിൽ ഒരു രാജാവ് ഉണ്ടായിരുന്നു അദ്ദേഹത്തിന് ഒരു സുന്ദരിയായ രാജകുമാരി ഉണ്ടായിരുന്നു,പേര് moana.ഒരു ദിവസം ആ രാജകുമാരി പാതാളം വിട്ടു ഭൂമിയിലേക്ക് പോയി,അവിടെ എത്തിയപ്പോൾ സൂര്യ പ്രകാശം തട്ടി രാജകുമാരിയുടെ കാഴ്ച നഷ്ട്ടപ്പെടുകയും ചെയ്തു.ഭൂമിയിൽ എത്തിയ രാജകുമാരിയുടെ ജീവിതം അനശ്വരമല്ലാതാകുകയും മരണപ്പെടുകയും ചെയ്യുന്നു.ഇതറിഞ്ഞ രാജാവ് തന്റെ മകളുടെ ആത്മാവിനു തിരിച്ചു വരാൻ വേണ്ടി ഭൂമിയിൽ ഉടനീളം labrynth കൾ സ്ഥാപിക്കുകയും ചെയ്യുന്നു.ഇങ്ങനെയൊരു കാല്പനിക കഥ വിവരിച്ചു തുടങ്ങുന്ന ഈ സിനിമ പിന്നീട് 1944 സ്പെയിൻ ലെ ഒരു കാട്ടിലേക്ക് എത്തുന്നു.ഫ്രാങ്കോ യുടെ fascist സർക്കാരിന് എതിരെ പട പൊരുതുന്ന ഗറില്ലാ വിപ്ലവകാരികളെ പിടിക്കാൻ വേണ്ടി vidal എന്ന ക്യാപ്റ്റൻ നേതൃത്വത്തിൽ ഉള്ള fascist സൈന്യം അവിടെ തമ്പടിക്കുകയും അദ്ദേഹത്തിന്റെ ഗര്ഭിണിയായ carmen ഉം അവളുടെ മരിച്ചുപോയ മുൻ ഭർത്താവിൽ ഉണ്ടായ ofelia എന്ന മകളും വരുന്നത് ആണ് നമ്മൾ കാണുന്നത്.fairy tales വായിക്കുന്ന ofelia,അമ്മക്ക് ദേഹാസ്വാസ്ഥ്യം തോന്നിയപ്പോൾ വാഹനം നിർത്തുകയും അവിടെ നിന്ന് ഒരു കണ്ണ് ലഭിക്കുകയും അത് അവിടെയുള്ള പ്രതിമയുടേത് ആണെന്ന് മനസ്സിലാക്കിയ ofelia അതിനെ യോജിച്ച സ്ഥലത്തു കൊണ്ട് വെക്കുകയും ചെയ്യുന്നു ഒപ്പം ഒരു ജീവിയെ കാണുകയും ചെയ്യുന്നു.

തന്റെ രണ്ടാം അച്ഛന്റെ എടുത്ത് എത്തിയ ofelia അമ്മ അച്ഛാ എന്ന് വിളിക്കണം എന്ന് പറഞ്ഞാലും അവൾ ക്യാപ്റ്റൻ എന്ന് അഭിസംബോധന ചെയ്യുകയും വലത് കൈയിൽ പുസ്തകം മുറുകെ പിടിച്ചു തന്റെ ഇടതു കൈ കൊണ്ട് ഷേക്ക് ഹാൻഡ് കൊടുക്കുന്ന ofelia യെ നാം കാണുന്നത്.ഇതേ രംഗത്തിൽ ഒഫെലിയ അവിടെയുള്ള labrynth കാണുകയും ചെയ്യുന്നു.പിന്നീട് അവിടത്തെ മുഖ്യ വേലക്കാരിയായ mercedes നേയും അവിടത്തെ ഡോക്ടർ ആയ ferreiro യെയും ofelia കണ്ടു മുട്ടുന്നുണ്ട്.അന്ന് രാത്രി താൻ വരുന്ന വഴിക്ക് കണ്ട ജീവി പ്രത്യക്ഷപ്പെടുകയും അത് തന്റെ fairy tale ലെ ഒരു കഥാപാത്രമാണ് എന്ന് വിശ്വസിക്കുന്ന ofelia യുടെ മുന്നിൽ വെച്ച് അത് ആ രൂപത്തിലോട്ടു മാറുകയും ചെയ്യുന്നു.ഈ fairy കഥാപാത്രത്തെ പിന്തുടർന്ന് ofelia labrynth ൽ എത്തുകയും faun നെ(pan നോട് ഉപമിക്കാം)കണ്ടുമുട്ടുകയും ചെയ്യുന്നു.faun നിസ്സംശയം ofelia പഴയ ഭൂമിയിലേക്ക് പോയ princess moana ആണെന്ന് പറയുകയും ചെയ്യുന്നു.ഇനി ofelia ക്കു തിരിച്ചു പാതാളത്തിലേക്ക് പോകണമെങ്കിൽ അടുത്ത പൗര്ണമിക്കു മുൻപ് മൂന്ന് കാര്യം ചെയ്യണമെന്ന് faun പറയുകയും ചെയ്യുന്നു.

Anti fascist സിനിമ ആയ ഇത് vidal എന്ന ക്രൂരനായ ക്യാപ്റ്റൻ നെ മുന്നിൽ നിർത്തി കൊണ്ട് ആണ് fascist അടിച്ചമർത്തലുകളെ തുറന്നു കാണിക്കുന്നത്.തെരഞ്ഞെടുപ്പുകൾ ഇല്ലാത്ത ആജ്ഞകളെ കണ്ണടച്ചു പിന്തുടരേണ്ടി വരുന്ന ഒരു സാമൂഹികവസ്ഥ ആയ fascism നിലനിൽക്കുന്നത് വ്യക്തമായ അധികാര ഘടനയുടെ സഹായത്തോടെ ആണ്.ഈ സിനിമയിൽ ആ അധികാരത്തെ കയ്യാളുന്ന ആളാണ് vidal അയാൾ നടത്തുന്ന ക്രൂരത ഒരു കുപ്പി കൊണ്ട് തലക്കടിച്ചു കൊല്ലുന്നത് മുതൽ തുടങ്ങുന്നു.vidal ന്റെ ക്രൂരത ഒരേ സമയം തറവാടിതത്തിന്റെയും ആണത്തതിന്റെയും അംശങ്ങൾ കാണാം.ഇതിനെ നിർണയിക്കുന്നത് വ്യക്തമായ മിത്ത് കൾ തന്നെ ആണ്.അങ്ങനെ ഒരു മിത്ത് vidal ന്റെ കൈവശവും ഉണ്ട് മൊറോക്കോ യിൽ വെച്ച് മരണപ്പെട്ട തന്റെ അച്ഛന്റെ വാച്ച്,തന്റെ മരണസമയം മകനെ അറിയിക്കാനും അച്ഛന്റെ ധീരതയുടെ പ്രതീകമാകാനും വേണ്ടി ആ വാച്ച് ഉടക്കുന്നു. ഇപ്പോൾ ആ വാച്ച് vidal ന്റെ പക്കൽ ഇരിക്കുകയും ചെയ്യുന്നുണ്ട്,ഒരു വിരുന്നിൽ അതിഥി അതിന്റെ യാഥാർഥ്യത്തെ കുറിച്ച് സംശയം പ്രകടിപ്പിക്കുകയും ചെയ്യുന്നുണ്ട്.ഇതേ vidal ഭാര്യ carmen ൽ യാതൊരു താല്പര്യം പ്രകടിപ്പിക്കാതിരിക്കുകയും അവൾ തന്റെ കുഞ്ഞിനെ ചുമക്കുന്നവൾ മാത്രമാകുകയും ചെയ്യുന്നു.

“Clinton, Kennedy, they all carried out mass murder, but they didn’t think that that was what they were doing – nor does Bush. You know, they were defending justice and democracy from greater evils. And in fact I think you’d find it hard to discover a mass murderer in history who didn’t think that.”നോം ചോംസ്കി ഒരു ഇന്റർവ്യൂ വിൽ പറഞ്ഞ ഈ വാചകങ്ങൾ vidal നേയും അക്ഷരം പ്രതി ശേരിയാകുന്നുണ്ട്.vidal ഒരിടത്തു പോലും ഖേദം പ്രകടിപ്പിക്കുന്നു പോലുമില്ല.ഇന്ത്യൻ fascism ത്തിന്റെ സ്വഭാവം നിര്ണയിക്കുമ്പോളും ഈ ഒരു വശം നാം കാണേണ്ടത് തന്നെ ആണ്.

ഒരു ഭാഗത്തു vidal തന്റെ ക്രൂരതകൾ തുടർന്ന് പോകുമ്പോൾ ഈ വളരെ ക്രൂരമായ യാഥാർഥ്യത്തിൽ നിന്ന് fairy tale ന്റെ ലോകത്തേക്ക് ഊളിയിടുന്ന ofelia ആണ് നാം കാണുന്നത്.സംശയമുളവാക്കുന്ന പ്രകൃതമുള്ള faun നെ പിന്തുടർന്ന ofelia യെ ഈ ഫാന്റസി ലോകത്തും ക്രൂരതയും ഭയവും എല്ലാം വേട്ടയാടുന്നുണ്ട്.faun നൽകുന്ന മൂന്ന് കർത്തവ്യം നിറവേറ്റാൻ പോകുന്ന ഒഫെലിയ നേരിടുന്ന പ്രശ്നങ്ങൾ ഭയപ്പെടുത്തുന്നത് തന്നെ ആണ്.ഈ ഫാന്റസി ലോകത്തെ ഭീമകരന്മാരായ സ്വത്വങ്ങളെ റിയാലിറ്റി യിലുള്ള fascist ഉന്നത ഉദ്യോഗസ്ഥകൂട്ടത്തിനോട് സിനിമാറ്റിക് ആയിട്ടുള്ള ഭാഷയിൽ del toro ഉപമിക്കുന്നുണ്ട്.ഇങ്ങനെ ofelia യിലൂടെ താന് അവതരിപ്പിക്കുന്ന ഫാന്റസി ലോകം വെറും ഒരു ഉല്ലാസത്തിനു വേണ്ടിയല്ല എന്നത് തീർച്ചയാണ്.ofelia റിയാലിറ്റി യിൽ നിന്ന് ഒളിച്ചോടാൻ ശ്രമിക്കുമ്പോഴും റിയാലിറ്റി യോട് സംഘർഷം സൃഷ്ടിക്കുകയും ചെയ്യുന്നുണ്ട്.തന്റെ റിയാലിറ്റി യിൽ നിന്ന് ഇവിടെ ഒഫെലിയ ഒളിച്ചോടുന്നത് അതിനേക്കാൾ ക്രൂരമായ ഒരു ലോകം ഉണ്ടെന്നു തന്റെ മനസ്സിനെ കൊണ്ട് വിശ്വാസിപ്പിച്ചാണെന്നു വേണം കരുതാൻ.പക്ഷെ റിയാലിറ്റി യിലും ഫാന്റസി യിലും ഉള്ള ക്രൂരതകൾ എല്ലാം തന്നെ സാമ്യത പുലർത്തുകയും ചെയ്യുന്നു.
ഈ സിനിമയുടെ മഹത്വം വർദ്ധിപ്പിക്കുന്ന ഒരു കാര്യം ഇത് ചർച്ച ചെയ്യുന്നത് ഒരു പ്രത്യേക കാലഘട്ടത്തെ മാത്രമല്ല എക്കാലത്തെയും fascist പ്രവണതകളെയും ഉൾകൊള്ളുന്നുണ്ട്.the german ideology യിൽ marx “The ideas of the ruling class are in every epoch the ruling ideas, i.e. the class which is the ruling material force of society, is at the same time its ruling intellectual force.” ഇങ്ങനെ എഴുതുന്നുണ്ട്.ഈ വാചകത്തിനു മുകളിൽ നിന്ന് നമ്മുടെ കലയെയും സ്കൂൾ വിദ്യാഭ്യാസവ്യവസ്ഥിതി ഒക്കെ പരിശോധിച്ചാൽ അതിൽ കടന്നു വരുന്ന patriarchal, ബൂർഷ്വ ചിന്താഗതികൾ (ഇന്ത്യയിൽ എത്തുമ്പോൾ സവര്ണതയുംകൂടെ കാണും) കുത്തിവെക്കപ്പെടുന്നുണ്ട്.കുട്ടികളിൽ ഇത് കടന്നു വരുന്ന ഒരു വഴി fairy tales തന്നെ ആണ്.ഒരു രാജകുമാരന്റെ സഹായത്തിനു കാത്തു നിൽക്കുന്ന രാജകുമാരിയും അല്ലെങ്കിൽ ഒരു ശക്തയായ സ്ത്രീയെ അവതരിപ്പിച്ചാൽ അതൊരു മന്ത്രവാദിയും ആയി തീരുന്ന കഥകൾ ഒരുപാട് ഉണ്ട്.ഇങ്ങനെയുള്ള ആഗോള കുത്തക മുതലാളി walt disney പോലുള്ളവരുടെ ഈ ചിന്താധാര തന്നെ പൊട്ടിച്ചു കളയുന്ന del toro യെ ആണ് ഇവിടെ കാണുന്നത്.രാജകുമാരനെ രക്ഷിക്കുന്ന രാജകുമാരി മുതൽ ധീരയായ വേലക്കാരിയിൽ വരെ ഈ പൊളിച്ചെഴുതു കാണുന്നുണ്ട്.ഏതൊരു പ്രൊപ്പഗാണ്ടയും പഴയ കാലത്തെ ഒരു മിത്ത് ന്റെ പുറത്തു തന്നെ ആണ് നിലനിൽക്കുന്നതും ആ മിത്ത് നെ തകർക്കാൻ ഇവിടെ സംവിധായകൻ സാധിക്കുന്നുമുണ്ട്.ഫ്രാങ്കോ യുടെ സ്പെയിൻ ലെ കത്തോലിക്ക മതം ഫ്രാങ്കോ ക്കു നൽകിയ ഒരു ഫാദർ നു സമാനമായ രൂപത്തെ ആണ് സംവിധായകൻ പലയിടത്തും ചോദ്യം ചെയ്യുന്നുണ്ട്.നേരിട്ട് അല്ലാതെയും നമുക്ക് വായിച്ചെടുക്കാനും പറ്റും.
 

സ്പെഷ്യൽ effects ധാരാളം ഉള്ള ഈ സിനിമയിൽ vidal ന്റെ ചുണ്ട് നീളത്തിൽ കത്തി കൊണ്ട് കീറുന്നുണ്ട്,അതിനെ തുന്നി കെട്ടുന്ന vidalനെ കാണിക്കുന്നിടത് സംവിധായകൻ എത്ര ഭംഗി ആയിട്ടാണ് സ്പെഷ്യൽ effects ഉപയോഗിച്ചതെന്ന് നമുക്ക് കണ്ടു മനസ്സിലാക്കേണ്ടത് ആണ്.സംവിധായകൻ തന്നെ ഈ രംഗം ഉണ്ടാക്കിയത് എങ്ങനെ എന്ന് പറയുന്നുണ്ട് ഒരു fake ചുണ്ട് ആണ് കീറിയത് ആയി കാണിക്കുന്നത് എന്നും അതിന്റെ ഉള്ളിൽ നീല കളർ പിന്നീട് അത് വായയുടെ രീതിയിലേക്ക് മാറ്റുകയും ചെയ്തു എന്ന്.ബാറ്റ്മാൻ ലെ ജോക്കർ നെ ഓർമിപ്പിക്കുന്ന ഈ വെട്ടു പക്ഷെ നമുക്ക് യഥാർത്ഥത്തിൽ ആ അഭിനേതാവിന്റെ ചുണ്ട് മുറിഞ്ഞതായി തോന്നിപ്പിക്കുന്നുമുണ്ട്.

Fascism ലോകത്തു എല്ലായിടത്തും ഉറഞ്ഞു തുള്ളുന്ന ഈ കാലത്തു pans labrynth നു മഹത്തരമായ സ്ഥാനമുണ്ട്.capitalist സമൂഹം കൊണ്ട് നടക്കുന്ന പ്രൊപ്പഗാണ്ടയെ വ്യക്തമായ നിഷേധിക്കുന്ന del toro യിൽ നിന്ന് ബാഹുബലി കാലത്തെ ഇന്ത്യൻ സിനിമക്കും കുറെ അധികം പഠിക്കാനുണ്ട്.മികച്ച സംഗീതവും പ്രത്യേകിച്ച് lullaby അഭിനയിച്ച എല്ലാവരും തന്നെ മികച്ച പ്രകടനവും cinematography യും costume design അടക്കം എല്ലാം മികച്ചു നിന്ന ഈ സിനിമ 21ആം നൂറ്റാണ്ടിലെ ഒരു ക്ലാസ്സിക് തന്നെ ആണ്.
 

Karinchathan (16 minute)

Brecht ഒരിക്കൽ പറയുകയുണ്ടായി എന്റെ നാടകങ്ങൾ പുറത്തു തൊപ്പി ഊരി വെക്കുന്നതിനു ഒപ്പം തലച്ചോറും ഊരി വെക്കുന്നവർക്കു ഉള്ളതല്ല തന്റെ നാടകം എന്ന്,ഇത് ചില സിനിമകളിലും ആവശ്യമാണ് അവിടെ തലച്ചോറില്ലാത്ത കാണി നല്ലതല്ല.തലച്ചോറില്ലാത്ത കാണിയെ നിരന്തരം ആയി രുചി വ്യത്യാസം അറിയിച്ചു മാത്രമേ തലച്ചോറും കൊണ്ട് തിയേറ്റർ ൽ ഇരിക്കുന്ന കാണി യെ സൃഷ്ടിക്കാൻ പറ്റുകയുള്ളൂ.ഈ യൊരു കാണി യെ സൃഷ്‌ടിക്കാൻ ഷോർട് ഫിലിം വലിയ രീതിയിൽ ഉപയോഗപ്രദമാവുകയും ചെയ്യും ,shaji t u ചെയ്ത ഏഴാണ്ട് ദൂരം സന്ദീപ് ന്റെ ചിത്രകഥ ഒക്കെ ഈയൊരു കാണിയെ ഉണ്ടാക്കാനുള്ള ശ്രമങ്ങൾ ആയിരുന്നു എന്ന് വേണം കരുതാൻ അതിന്റെ വ്യക്തമായ തുടർച്ച എന്നോ അല്ലെങ്കിൽ അങ്ങനെയൊരു രീതിയുടെ ഉന്നതമായ ഉയരത്തിൽ എത്തിയ മലയാള ഭാഷയിലെ ഒരു ഷോർട് ഫിലിം ആണ് കരിഞ്ചാത്തൻ.
കലയുടെ പൂർണത എന്ന് പറയുന്നത് അപൂര്ണതയിലാണ് നിലനിൽക്കുന്നത് അവിടെ മാത്രമേ കാണിക്കു ഇടപെടാൻ സാധിക്കുന്നുള്ളൂ,അപൂര്ണത നിങ്ങളുടെ ചിന്ത ശേഷിയെ ചോദ്യങ്ങളിലൂടെ ഉണർത്തുന്നുണ്ടെങ്കിൽ നിങ്ങൾ ചെയ്യുന്നത് നിങ്ങളിലൂടെ ആ കലക്ക് പൂർണതയിലെത്തിക്കാൻ ശ്രമിക്കുകയാണ്.മാസ്സ് മസാല രണ്ടാം കിട കോമഡി ഒക്കെ മാറ്റിവെച്ചു നമുക്ക് ഈ അപൂര്ണത എങ്ങനെയൊക്കെ ആണ് സിനിമയിലേക്ക് കടന്നു വരുന്നത് എന്ന് നോക്കാം,hitchcock, chabrol പോലുള്ളവർ ചെയ്യുന്നത് വ്യക്തമായ പ്ലോട്ട് ൽ നിന്ന് കൊണ്ട് തങ്ങളുടെ കഥാപാത്രങ്ങളുടെ അപൂര്ണതയിലൂടെ ആണ് കാണിയെ സഞ്ചരിപ്പിക്കുന്നത്.bicycle thieves ഒക്കെ പോലെ വ്യക്തമായ സാമൂഹിക അടിച്ചമർത്തലുകളിലൂടെയും സംഘര്ഷങ്ങളിലൂടെയും പോകുന്ന കഥാപാത്രങ്ങൾ സൃഷ്ട്ടിക്കുന്ന അപൂർണ്ണമായ അവസ്ഥകൾ.paprika(2006) പോലുള്ള സിനിമകൾ അവതരിപ്പിക്കുന്ന സ്വപ്ന സമാനമായ അപൂര്ണത.ലോക സിനിമയിൽ ഇങ്ങനെ സൃഷ്ടിക്കപ്പെടുന്ന അപൂർണ്ണമായ സിനിമകൾ അവ അതിന്റെ പൂർണതക്കു വേണ്ടി കാണിയെ മാടി വിളിക്കുകയും ചെയ്യുന്നു.
ഇന്ത്യൻ സിനിമയിലേക്ക് ഇങ്ങനെയുള്ള കാണിയുടെ ചിന്താശേഷിയെ ചോദ്യം ചെയ്യുന്ന കാണിയെ ബഹുമാനിക്കുന്ന സിനിമകൾ ലോകത്തെ ഏറ്റവും കൂടുതൽ സിനിമകൾ ഇറങ്ങുന്ന industry കളിൽ ഒന്നായിട്ടു പോലും വളരെ ചുരുക്കമാണ്.ചിന്ത രവി ഒരിടത്തു പറഞ്ഞിട്ടുണ്ട് രാവിലെ മുതൽ പണി എടുക്കുന്ന ഒരാളുടെ ചിന്തിക്കാനുള്ള സമയമാണ് സിനിമകൾ കൊണ്ട് പോകുന്നത് എന്നാണെന്ന് ഓർമ.ഈ സമയം പിടിച്ചു പറിക്കുന്ന സിനിമകൾ നമ്മുടെ ചിന്താശേഷിയെ മരവിപ്പിക്കുന്നു,അതിന്റെ ഭവിഷ്യത് എന്താണെന്നു ചോദിക്കുന്നതിനേക്കാളും നല്ലത് നമ്മുടെ ചുറ്റുപാടിൽ നടക്കുന്ന കാര്യങ്ങളെ ശ്രദ്ധിച്ചാൽ മതി.തുറന്ന മത വർഗീയത പറയുന്ന കവല പ്രസംഗങ്ങൾ നമ്മുടെ പ്രബുദ്ധമായ കേരളത്തിൽ വരെ ഉണ്ടാകുന്നു,അത് കേട്ട് നിൽക്കുന്നവർ എത്ര വിവരമുള്ളവർ ആണെങ്കിൽ പോലും(ഹെബെർ മാസ് നെ വെച്ച് പറയുകയാണെങ്കിൽ കൂടുതൽ വിവരമുണ്ടാകുക എന്നതിൽ അല്ല കാര്യം interpret ചെയ്യുക critique ചെയ്യുക എന്നതിലാണ് കാര്യം) എതിർക്കാനോ അതിന്റെ പൊള്ളത്തരങ്ങൾ തുറന്നു കാട്ടാനോ സാധിക്കുന്നില്ല കാരണം അവരുടെ കയ്യിലുള്ള വിവരങ്ങൾ വെച്ച് വ്യാഖ്യാനിക്കാനുള്ള നിലപാടോ ചിന്താ ശേഷിയോ എവിടെയോ കൈമോശം വന്നു.
ഇങ്ങനെ കൈമോശം വന്ന ചിന്താശേഷിയെ തിരിച്ചു കൊണ്ട് വരാൻ സാധിക്കുന്ന ഒന്നാണ് ഷോർട് ഫിലിം കൾ, പ്രത്യേകിച്ച് ഷോർട് ഫിലിം കൾ സിനിമയുടെ സാമ്പതികപരമായ സ്വാധീനത്തെ ഒരു പരിധി വരെ മറികടക്കുന്നു.സാമ്പത്തിക പരമായ സ്വാധീനം കുറയുന്നത് കൊണ്ട് നമ്മുക്ക് ഈ മീഡിയം ത്തിൽ വേണ്ടുവോളം പരീക്ഷണങ്ങൾ ക്കുള്ള സാധ്യതയും തുറന്നിടുന്നു പക്ഷെ ഈ സാധ്യതയെ നമ്മുടെ യുവാക്കൾ വേണ്ടത്ര ഗൗനിച്ചിട്ടുണ്ടോ എന്ന ഒരു ചോദ്യവും ഇവിടെ പ്രസക്തമാണ്.കാണി എന്ന നിലയിൽ ഒരു വ്യക്തിക്ക് വളരെ ചുരുക്ക സമയം ഇതിനു വേണ്ടി ചിലവഴിച്ചാൽ മതി എന്നത് കൊണ്ടും വിരക്തി ഉണ്ടാവാൻ ഉള്ള സാധ്യത കുറവാണ്.നിരന്തരമായ ഷോർട് ഫിലിം പരീക്ഷണങ്ങൾ പയ്യെ സിനിമകളിലേക്കും മറ്റും നിഴലിക്കുകയും ചെയ്യും.
ഇങ്ങനെ ഒരു പരീക്ഷണത്തിന്റെ ഉന്നതമായ ഉദാഹരണം ആണ് കൃഷ്ണേന്ദു സംവിധാനം ചെയ്ത കരിഞ്ചാത്തൻ .മതവർഗീയത അതിന്റെ നഖവും പല്ലും കൊണ്ട് പുരോഗമന ചിന്തയെ കടിച്ചു കീറുന്ന സമയത്തു കരിഞ്ചാത്തൻ എന്ന ഷോർട് ഫിലിം നു വളരെ പ്രാധാന്യം ഉണ്ട്.ഒരു മുഴുവട്ടനെ ഞാൻ പ്രാർത്ഥിച്ചു അരവട്ടനാക്കി എന്ന് പറയുന്ന പാതിരി,അതെ പാതിരിയിൽ നിന്ന് ബൈബിൾ കൊണ്ട് മറ്റൊരു പാതിരി ആകാൻ പോയ അരവട്ടൻ പൊട്ടകിണറ്റിൽ വീഴുക എല്ലാതെ മറ്റെന്തു സംഭവിക്കാൻ.സ്വബോധം ഉള്ളവരെയും വ്യവസ്ഥിതിക്ക് എതിരെ പോരാടുന്നവർ മുഴു വട്ടന്മാരെന്നു മതത്തിലൂന്നിയ സാമൂഹിക വ്യവസ്ഥിതി അഭിസംബോധന ചെയ്യാൻ തുടങ്ങിയത് ഇന്നോ ഇന്നലെയോ ഒന്നുമല്ല,പക്ഷെ മതാന്ധത യിലേക്ക് പോയവൻ പൊട്ടക്കിണറ്റിലെ തവള മാത്രമാണ് എന്നത് വാസ്തവം.പൊട്ടക്കിണറ്റിൽ വീഴുന്നത് കാണിക്കാത്ത സംവിധായകൻ അത് ഒരു വ്യക്തിയുടെ മാത്രം വീഴ്ച്ച എന്നുള്ള രീതിയിൽ കാണിക്കാനുള്ള വിരക്തി ആണെന്ന് തോന്നുന്നു.വിഷയസ്പദമായ ആഴം ഉള്ള ഒരു ഷോർട് ഫിലിം ആയ ഇത് ഇങ്ങനെയുള്ള വായനക്ക് ഒരുപാടു ഇടം നിങ്ങള്ക്ക് നൽകുകയും ചെയ്യുന്നു.
ഈയിടെ ഒരു സിനിമ subjective ആവുക എന്ന് പറയുമ്പോൾ എവിടെയോ പോയ്മറഞ്ഞു പോകുന്ന ഒന്നാണ് സിനിമയുടെ objective ആയിട്ടുള്ള വശം,ഈ ഷോർട് ഫിലിമിൽ അങ്ങനെ ഒരു പ്രശ്നമേ ഇല്ല മറിച്ചു വളരെ അഭിനന്ദനം അർഹിക്കുന്ന ഒന്നുമാണ്.ഇവിടെ വെറുമൊരു ഭംഗിക്കു വേണ്ടി ഉള്ള ക്യാമറ ഉപയോഗമോ എഡിറ്റിങ്ങോ vfx ഓ ഒന്നും കാണാനില്ല,മറിച്ചു അവയെല്ലാം ഷോർട് ഫിലിം ന്റെ subjective ആയ വശങ്ങളുമായി അലിഞ്ഞു ചേർന്നിരിക്കുകയാണ്.പുതു നിര ഷോർട് ഫിലിം സംവിധായകർക്ക് ശക്തമായ പ്രചോദനം ആവേണ്ട ഒരു വർക്ക് ആണ് സംവിധായകനായ കൃഷ്ണേന്ദു ചെയ്തിരിക്കുന്നത് എന്ന് വേണം പറയാൻ.16 മിനിറ്റ് ദൈർഖ്യമുള്ള ഷോർട് ഫിലിം നിങ്ങൾ കാണേണ്ടത് തന്നെ ആണ്.

Karinchathan:https://m.youtube.com/watch?feature=youtu.be&v=l4iE6usCrJo

Ezhandu dooram:https://m.youtube.com/watch?v=w0nC5Kr_WDA

Chithrakadha:https://m.youtube.com/watch?v=l-pDKQxXSWM

64.Ittefaq (1969) dir:Yash Chopra genre:Crime,Mystery,Thriller

ഇന്ത്യൻ പ്രണയ സിനിമയുടെ കുത്തക മുതലാളിയായ yash chopra സംവിധാനം ചെയ്തു ബോളിവുഡ് ന്റെ ചരിത്രത്തിലെ എണ്ണപ്പെട്ട പ്രണയ നായകനായ രാജേഷ് ഖന്ന മുഖ്യ വേഷം ചെയ്യുകയും ചെയ്ത 1960 കളിൽ ഇന്ത്യയിൽ ഇറങ്ങിയ ഹിന്ദി ത്രില്ലർ genre സിനിമകളിലെ വളരെ അധികം ശ്രദ്ധിക്കപ്പെട്ട ഒന്നാണ് ittefaq.തന്റെ കല്യാണ വാർഷിക ദിനത്തിൽ ഭാര്യയായ സുഷമയെ കൊന്ന painter ആയ ദിലീപ് റോയ് എന്ന കഥാപാത്രത്തെ ആണ് രാജേഷ് ഖന്ന അവതരിപ്പിച്ചത്.
സിനിമ തുടങ്ങുന്നത് വീട്ടിലേക്കു തിരിച്ചു വരുന്ന ദിലീപ് റോയ് തന്റെ മരിച്ചു കിടക്കുന്ന ഭാര്യയെ കാണുകയും ചെയുന്ന രംഗത്തോടെയാണ്.ദിലീപ് റോയ് യുടെയും ഭാര്യയുടെയും കൂടെ താമസിക്കുന്ന ഭാര്യയുടെ അനിയത്തി ആയ രേണു ദിലീപ് റോയ് ആണ് തന്റെ സഹോദരിയെ കൊന്നത് എന്ന് മൊഴി നൽകുകയും ചെയ്യുന്നു.കല്യാണ വാര്ഷികമായ ആ ദിവസം തങ്ങൾക്കു വേണ്ടി വെച്ച പാർട്ടി യിൽ പങ്കെടുക്കാൻ വിളിച്ച സുഷമയോട് തന്റെ പെയിന്റിംഗ് മുഴുവനാക്കിയിട്ടു വരാം എന്ന് പറയുന്ന ദിലീപ് റോയ്,സുഷമ വീണ്ടും നിർബന്ധിച്ചപ്പോൾ അതൊരു കലഹത്തിലേക്കു നീങ്ങുകയും സുഷമ ദിലീപ് റോയ് യുടെ പെയിന്റിംഗ് കീറുകയും ചെയ്യുന്നു.അപ്പോൾ സുഷമയുടെ കഴുത്തിനു പിടിച്ചു കൊണ്ട് അവളോട് കൊന്നു കളയും എന്ന് പറയുന്ന ദിലീപ് റോയ് യെ ആണ് സിനിമ കാണിക്കുന്നത്.രേണുവിന്റെ മൊഴി പ്രകാരം പോലീസ് അറസ്റ്റ് ചെയ്യുന്ന ദിലിപ് റോയ് പക്ഷെ കാണുന്നവരെ ഒക്കെ കൊല്ലുമെന്ന് ഭീഷണിപ്പെടുത്തുകയും താൻ കൊന്നിട്ടില്ല എന്ന് തനിക്കു ഒന്നും ഓർമ ഇല്ല എന്നുമൊക്കെ വളരെ കിറുക്കുള്ള സ്വഭാവം കാണിക്കുകയും ചെയ്തതോടെ കോടതി അയാളെ ഭ്രാന്താശുപത്രിയിലേക്കു മാറ്റുകയും ചെയ്യുന്നു.
ഭ്രാന്താശുപത്രിയിൽ നിയമ പുസ്തകങ്ങൾ വായിക്കുന്ന ദിലീപ് റോയ് തന്നെ കാണാൻ വന്ന പബ്ലിക് പ്രോസിക്യൂട്ടർ ഖന്ന യോട് തന്റെ ജീവിതത്തിന്റെ അവസ്ഥ എന്താകുമെന്നു പറയുകയും ചെയ്യുന്നു.ഒന്നെങ്കിൽ എന്നേക്കുമായി ഭ്രാന്താശുപത്രിയിൽ അല്ലെങ്കിൽ തൂക്കു കയറു ഇവയാണ് എന്ന് തിരിച്ചറിയുന്ന ആവർത്തിച്ചു നിരപരാധി ആണെന്ന് പറയുന്ന ദിലീപ് റോയ് അതെ രംഗത്തിൽ തന്നെ ഡോക്ടറെ കൊല്ലുമെന്ന് പറയുകയും കോളർ ൽ പിടിക്കുകയും ചെയ്യുന്നു.അവിടെ നിന്ന് സെൽ ലേക്ക് കൊണ്ട് പോകുന്ന ദിലീപ് റോയ് പോലീസ് ഇൻസ്‌പെക്ടർ ദിവാൻ ന്റെ റിവോൾവർ കൊണ്ട് രക്ഷപ്പെടുന്നു.രക്ഷപ്പെട്ടു ദിലീപ് റോയ് എത്തിപ്പെടുന്നത് രേഖ യുടെ വീട്ടിൽ ആണ് അവളുടെ ഭർത്താവ് കൽക്കട്ട യിൽ പോയതാണെന്നും അവൾ ഒറ്റയ്ക്ക് ആണെന്നും നമ്മൾ അറിയുകയും ചെയ്യുന്നു.പിന്നീട് ഈ സിനിമ ഇവരുടെ ഇടയിൽ ഉണ്ടാകുന്ന സംഭവ വികാസങ്ങളിലൂടെ മുന്നോട്ട് പോകുകയും ഒട്ടനവധി ചോദ്യങ്ങളും വഴിതിരിവുകളും കൊണ്ട് കാണിയെ പിടിച്ചു ഇരുത്തുകയും ചെയ്യുന്നു.
Signpost to murder എന്ന സിനിമയുടെ remake ആയ ഇത് ബോളിവുഡ് ന്റെ മുഖ്യധാരയിൽ നിന്ന് കൊണ്ട് തന്നെ ഉള്ള ഒരു പരീക്ഷണമായി വിശേഷിപ്പിക്കാവുന്നതാണ്.പാട്ടുകളില്ലാത്ത നാലാമത്തെ മാത്രം പടം ആയ ഇത് kanoon എന്ന പാട്ടുകൾ ഇല്ലാത്ത br ചോപ്രയുടെ സിനിമയ്ക്കു ശേഷം br chopra തന്നെ നിർമിച്ച സിനിമയും ആണ്.ഈ രണ്ടു ത്രില്ലർ സിനിമകളുടെ തിരക്കഥ ഒരുക്കിയത് Akhtar ul-Iman തന്നെ ആണ്.സിനിമയിൽ എടുത്തു പറയേണ്ടത് അതിന്റെ making തന്നെ ആണ് പലയിടത്തും അതിശയിപ്പിക്കുന്ന രീതിയിൽ മികവ് പുലർത്തുന്ന സിനിമ ആണ് ഇത്.പ്രത്യേകിച്ച് തുടക്കത്തിൽ കോടതി രംഗം ഒരുതരം kafkaesque അല്ലെങ്കിൽ surrealistic മൂഡ് ഉണ്ടാക്കുന്നുണ്ട്.പക്ഷെ ഇതേ making ആക്ഷൻ രംഗങ്ങളിൽ പാളുകയും ചെയ്യുന്നുണ്ട്.
ദിലീപ് റോയ് യെ അവതരിപ്പിച്ച രാജേഷ് ഖന്ന ആ കാലഘട്ടത്തിലെ അഭിനേതാക്കളുടെ സ്ഥിരം ശൈലിയിൽ നിന്നും വ്യതിച്ചലിക്കുന്നില്ല(ദിലീപ് കുമാർ ഒക്കെ ഇതിൽ ചില exception മാത്രമാണ്).രേഖയെ അവതരിപ്പിച്ച നന്ദ അടക്കം മറ്റു കഥാപാത്രങ്ങളെ അവതരിപ്പിച്ചവരും അധികം മോശമാക്കുന്നുമില്ല.ഒരു ത്രില്ലർ സിനിമയുടെ ഒഴുക്കിനനുസരിച്ചു വരേണ്ട പശ്ചാത്തല സംഗീതം പലയിടത്തും ശരാശരി നിലവാരം മാത്രമായി ഒതുങ്ങുകയും ചെയ്യുന്നു.ആ കാലഘട്ടത്തിന്റെ ചില പോരായ്മകൾ ഒക്കെ കടന്നു വന്നിട്ടുണ്ടെങ്കിലും ഈ സിനിമ മികച്ച നിലവാരം പുലർത്തുന്നുണ്ട്.yash chopra,rajesh ഖന്ന പോലെയുള്ളവരുടെ career ലെ വേറിട്ട ഒന്നും പാട്ടുകൾ ഇല്ലാതെ ത്രില്ലർ genre  നു പൂർണ ബഹുമാനം നൽകി എടുത്ത സിനിമ വളരെ അധികം ശ്രദ്ധ ആവശ്യപ്പെടുന്നുണ്ട്.

63.Jaane Bhi Do Yaaro (1983) dir:Kundan Shah genre:Comedy, Drama

കെടുകാര്യസ്ഥതയും അഴിമതിയും കൊണ്ട് നിറഞ്ഞ ഭരണകൂടങ്ങൾ നമ്മുടെ രാജ്യത്ത് സ്ഥിരം കാഴ്ചയായി മാറുകയാണ്,അത് ഗ്രാമ സഭ മുതൽ കേന്ദ്രം വരെയും പടർന്നു പന്തലിച്ചു നിൽക്കുകയാണ്.ജനത്തിന്റെ കഷ്ടപ്പാടുകളെക്കാൾ കൂടുതൽ ചർച്ച മറ്റു പല കാര്യങ്ങളിലേക്ക് തിരിയുകയും,ഇത് മുതലെടുത്തു ഭൂരിപക്ഷം വരുന്ന ജനതയെ ചൂഷണത്തിന് വിധേയമാക്കുന്നത് ന്യൂനപക്ഷങ്ങളിൽ ന്യൂനപക്ഷമായ  മുതലാളിമാർ ആണ് എന്ന സത്യം നമുക്ക് വിസ്മരിക്കാൻ പറ്റാത്തതാണ്.ഇവർക്ക് ഒത്താശ ചെയ്യുന്നത് പ്രഭുത്വത്തിന്റെ സുഖം അനുഭവിക്കുന്ന ബ്യൂറോക്രാറ്റ്സ് നു വലിയ പങ്കുണ്ടെന്നു എന്ന കാര്യം പരസ്യമായ രഹസ്യമാണ്.അതിന്റെ മുകളിൽ രാഷ്ട്രീയ വ്യവസ്ഥിതിയും സ്റ്റേറ്റ് അല്ലെങ്കിൽ സർക്കാർ ഉം ജനങ്ങളുടെ മുകളിൽ ചെലുത്തുന്ന സമ്മർദ്ദവും കൂടി ആകുമ്പോൾ ജനങ്ങൾ അനുഭവിക്കുന്ന ദുരിതത്തിന്റെ പൂർണത വരുകയും ചെയ്യും.ഇന്ത്യൻ സാഹചര്യത്തിലേക്ക് വരുമ്പോൾ ജാതിവ്യവസ്ഥ അടക്കമുള്ള കാര്യങ്ങൾ ഇതിനെ കുറെ കൂടി സങ്കീര്ണമാക്കുകയും ചെയ്യുന്നു.ഇന്ത്യൻ പാരലൽ സിനിമ ഇങ്ങനെ അരികുവത്കരിക്കപ്പെട്ടവരുടെ ജീവിതത്തെ നോക്കി കാണുന്നതിൽ വലിയൊരു പങ്കു വഹിച്ചിട്ടുണ്ട്.ഇന്ത്യൻ പാരലൽ സിനിമ യാഥാർത്ഥ്യതിനോട് പരമാവധി സത്യസന്ധത പുലർത്താനുള്ള ശ്രമമായിട്ടാണ് ഇന്ത്യൻ സിനിമയിൽ ഉയർന്നു വന്നത് അതുകൊണ്ടു അതിൽ കണ്ടു വരുന്ന റിയലിസം കൊണ്ട് ആണ് ജനങ്ങൾകിടയിൽ പ്രശസ്തമായത്.ഇതിൽ നിന്ന് വേറിട്ട ശൈലിയിലൂടെ ജനം അനുഭവിക്കുന്ന പ്രശ്നങ്ങൾ ആയ അഴിമതിയും കെടുകാര്യസ്ഥതയും അതിന്റെ സാക്ഷാത്കാരത്തിൽ വിട്ടു വീഴ്ചകൾ കുറച്ചു നർമത്തിൽ ചാലിച്ചു അവതരിപ്പിച്ച വേറിട്ട രണ്ടു സിനിമകളാണ് കെ ജി ജോർജ് ന്റെ പഞ്ചവടി പാലവും കുന്ദൻ ഷാ യുടെ ജാനേ ഭി ദോ യാരോ യും.ഹിന്ദിയിലെ ഏറ്റവും മികച്ച കോമഡി സിനിമകളിൽ ഒന്നായ ജാനേ ഭി ദോ യാരോ വന്നിട്ട് 34 വര്ഷം ആകുമ്പോൾ പോലും ഈ സിനിമ കാലഹരണപ്പെടുന്നില്ല.

ജാനേ ഭി ദോ യാരോ യുടെ പ്ലോട്ട് ലേക്ക് കടന്നാൽ സത്യസന്ധമായി പണം സമ്പാദിക്കണം എന്ന് ആഗ്രഹമുള്ള ചെറുപ്പക്കാരായ വിനോദ് ചോപ്രയും സുധിർ മിശ്രയും കൂടെ ചേർന്ന് മുംബൈയിലെ തിരക്കേറിയ സ്ഥലത്തു ഒരു പുതിയ സ്റ്റുഡിയോ ആരംഭിക്കുന്നു.നിർഭാഗ്യവശാൽ അവരുടെ സ്റ്റുഡിയോയുടെ ഉദ്ഘാടന ദിവസം തന്നെ അതെ സ്ഥലത്തു മറ്റൊരു സ്റ്റുഡിയോ ഉദ്ഘാടനം നടക്കുകയും ചെയ്യുന്നു.അവർ വിനോദ് ന്റെയും സുധിർ ന്റെയും ഉദ്ഘാടന ചടങ്ങു അലങ്കോലമാക്കുകയും ചെയ്യുന്നു.പിന്നീട് നമ്മൾ അറിയുന്നത് ഈ സ്റ്റുഡിയോ മുംബൈ ഒരു പണക്കാരനും ലാഭക്കൊതി മൂത്ത ആളുമായ തർനേജയുടെ ആണെന്നും അവർ khabardar എന്ന മാഗസിന്റെ പ്രവർത്തനങ്ങളിൽ കൈകടത്താൻ വേണ്ടി തുടങ്ങിയതുമാണെന്നു മനസിലാക്കുന്നു.അതേസമയം ഈ സ്റ്റുഡിയോ വിനോദ് നും സുധിർ നും കച്ചവടം ഇല്ലാതാക്കുകയും ചെയ്യുന്നു.തർനേജയും മറ്റൊരു builder ആയ അഹുജയും പരസ്പരം സർക്കാർ ടെൻഡർ കിട്ടാൻ വേണ്ടി മത്സരിക്കുകയാണ് ഇതിനു വേണ്ടി രണ്ടു പേരും മുനിസിപ്പൽ കമ്മിഷണർ ഡിമെല്ലോ യെ സ്വാധീനിക്കാൻ ശ്രമിക്കുകയും ചെയ്യുന്നു.തർനേജയുമായി ഡിമെല്ലോ സംസാരിക്കുന്ന ഫോട്ടോയിൽ പകർത്താൻ വേണ്ടി khabardar മാഗസിൻ എഡിറ്റർ ശോഭ സെൻ വിനോദ്നേയും സുധിർനേയും ഏൽപ്പിക്കുന്നു.
ഈ അന്വേഷണത്തിനു ഇടയ്ക്കു ഫോട്ടോ മത്സരത്തിന് വേണ്ടി ഫോട്ടോ എടുക്കുന്ന ഇവർ ആ ഫോട്ടോ യിൽ നിന്ന് ഒരു കൊലപാതകം കണ്ടു പിടിക്കുകയും ചെയ്യുന്നു.ശവത്തെ അന്വേഷിച്ചു അവർ ഫോട്ടോ എടുത്ത അന്റോണിയോണി പാർക്കിൽ എത്തുമ്പോൾ ശവം ഉണ്ടാകുകയും പിന്നീട് സുധിർ പേടിച്ചു ഓടിയത് കാരണം അവരുടെ ശ്രദ്ധ തെറ്റിയ സമയത്തു ആ ശവം കാണാതെ ആവുകയും ചെയ്യുന്നു.അവിടെ നിന്ന് അവർക്കു കിട്ടുന്ന cuff linkന്റെ ജോടി പിന്നീട് തർനേജ പുതുതായി നിർമിച്ച പാലത്തിൽ നിന്ന് കിട്ടുകയും ചെയ്യുന്നു.രാത്രിയിൽ അവിടെ ചെന്ന് അവർ രണ്ടു പേരും കൂടെ ഡിമെല്ലോ യുടെ ശവം കണ്ടെടുക്കുകയും ചെയ്യുന്നു.പക്ഷെ വീണ്ടും ശവം നഷ്ടപ്പെടുകയും ചെയ്യുന്നു.പിന്നീട് വിനോദ് ഉം സുധിർ ഉം ആ ശവം കണ്ടെത്തുകയും പക്ഷെ സർക്കാർ ഉദ്യോഗസ്ഥരും ലാഭക്കൊതി മൂത്ത മുതലാളിൽമാരും പത്രക്കാരും അടങ്ങുന്നവരുടെ ട്രാപ് ൽ പെടുന്നതുമാണ് സിനിമ പറയുന്നത്.
ഈ സിനിമയുടെ പ്ലോട്ട് വായിച്ചാൽ ഒരു സീരിയസ് സിനിമ ആയി തോന്നാം പക്ഷെ ഈ സിനിമ തുടക്കം മുതൽ അവസാനം വരെ നമ്മെ ചിരിപ്പിക്കും.നമുക്കു ഓർത്തു ഓർത്തു ചിരിക്കാവുന്ന നിരവധി രംഗങ്ങളുള്ള ഈ സിനിമ നമ്മുടെ സമൂഹത്തിന്റെ യഥാർത്ഥ മുഖത്തെ ആണ് കാണിക്കുന്നത്.സർക്കാർ ഉദ്യോഗസ്ഥരും മുതലാളിമാരും പത്രക്കാരും അടക്കമുള്ളവരുടെ അവിശുദ്ധ കൂട്ടുകെട്ടിൽ വെള്ളം കുടിക്കേണ്ടി വരുന്നത് സാധാരണക്കാരനാണ് എന്ന യാഥാർത്ഥ്യം ഈ സിനിമ തുറന്നു കാട്ടുന്നുണ്ട്.തമാശ കലർന്ന അവതരണമാണ് സിനിമയിൽ എങ്കിലും അതൊരിക്കലും അകകാമ്പിനെ ബാധിക്കാത്ത വിധത്തിൽ ആണ് സംവിധായകൻ അവതരിപ്പിച്ചിരിക്കുന്നത്.
ഈ സിനിമ പുറത്തു വരുന്ന കാലഘട്ടം 80കളുടെ തുടക്കത്തിൽ ആണ് നെഹ്റുവിന്റെ മേൽനോട്ടത്തിൽ ഇന്ത്യയിലേക്ക് വന്ന സോഷ്യലിസം അതിന്റെ ഏറ്റവും മോശം അവസ്ഥയിൽ ആയ സമയം ആയിരുന്നു.അടിയന്തരവസ്ഥയും licesnse raj, അഴിമതി,സ്വജനപക്ഷപാതം ഒക്കെ നിറഞ്ഞ ഇന്ത്യൻ ഭരണ വ്യവസ്ഥയോടുള്ള ദേഷ്യം ഇന്ത്യൻ പാരലൽ സിനിമയിലും മുഖ്യ ധാര സിനിമയിലും അലയടിച്ചിരുന്നു.ഈയൊരു തരംഗത്തിൽ ആയിരുന്നു അമിതാഭ് ബച്ചൻ എന്ന താരത്തിന്റെ വളർച്ചയും നടന്നിട്ടുള്ളത്.മുഖ്യ ധാരയിൽ നിന്ന് വേറിട്ട് യാഥാർഥ്യത്തെ സത്യസന്ധമായും സിനിമാറ്റിക് പോംവഴികള് ഒന്നും നല്കാതെയും ഉള്ള അവതരണം കൊണ്ട് ശ്രദ്ധേയമാണ് ഇന്ത്യൻ പാരലൽ സിനിമ.ജാനേ ഭി ദോ യാരോ യും ഒരു പോംവഴിയോ ശുഭ പര്യവസാനമോ നൽകാതെ നിർത്തുകയാണ് ചെയ്യുന്നത്.സിനിമയുടെ അവസാനം സാധാരണക്കാരന്റെ നിസ്സഹായ അവസ്ഥയുടെ നേർ കാഴ്ച ആയി മാറുകയാണ് ചെയ്യുന്നത്.ഇങ്ങനെയുള്ള രാഷ്ട്രീയ സാഹചര്യത്തിൽ നിന്ന് നമ്മുടെ രാജ്യം ആഗോളീകരണത്തിലൂടെ കടന്നു പോയപ്പോൾ ഈ ചൂഷണ വ്യവസ്ഥിതിക്ക് കുറെ കൂടി ആഗോള മാനം കൈവരിക്കുകയും ചെയ്യുന്നു.ചൂഷണം അന്നത്തേക്കാൾ ഭീതി ഉളവാക്കുന്ന അവസ്ഥയിലേക്ക് പോകുന്നു എന്ന സത്യം പരിഗണിക്കുകയും ചെയ്യുന്നത്, എന്ത് കൊണ്ട് ഇന്നും ഈ സിനിമയുടെ സാധ്യത  നിലനിൽക്കുന്നു എന്ന അന്വേഷണത്തിൽ വലിയ പങ്കു വഹിക്കുന്നുണ്ട്.
ജാനേ ഭി ദോ യാരോ ഒട്ടനവധി സിനിമ സാഹിത്യ നാടകങ്ങളുടെ സ്വാധീനം നമുക്ക് കാണാൻ സാധിക്കുന്നതാണ്.keaton, ചാപ്ലിൻ,marx brothers പോലുള്ളവരുടെയും 1960ലെ czech സിനിമയിൽ നിന്നുമുള്ള കോമഡികളിൽ നിന്നുള്ള സ്വാധീനം വളരെ വ്യക്തമാണ്.ഇതിലെ പ്രധാന രംഗമായ കൊലപാതകം കണ്ടുപിടിക്കൽ അന്റോണിയോണിയുടെ ബ്ലോ അപ്പ് ൽ നിന്നും സ്വാധീനം ഉള്കൊണ്ടതാണ് ,ആ പാർക്ക് നു അന്റോണിയോണി പാർക്ക് എന്ന് പേര് നൽകി സംവിധായകൻ tribute അർപ്പിക്കുകയും ചെയ്യുന്നുണ്ട്.ഈ സിനിമയിൽ അവസാന രംഗം മഹാഭാരതത്തിലെ പാഞ്ചാലി വസ്ത്രാക്ഷേപം അവതരിപ്പിച്ചു കൊണ്ടിരിക്കുന്ന നാടക സ്റ്റേജ് ൽ ആണ് ,ഇന്ത്യൻ സിനിമയിൽ തന്നെ ഏറ്റവും മികച്ച കോമഡി sequence കളിൽ ഒന്നായ ഇത് മഹാഭാരതത്തിന്റെ മറുവായന ആയും നമുക്ക് കാണാവുന്നതാണ്.shakespeare ന്റെ trangicomedy അല്ലെങ്കിൽ പ്രോബ്ലം plays എന്നറിയപ്പെടുന്നവയുടെ സ്വാധീനവും തള്ളിക്കളയാനാവില്ല.ഇതിനെ പുറമെ absurdist നാടകങ്ങൾ അടക്കമുള്ളവയുടെ കടന്നു വരവ് നമുക്ക് ജാനേ ഭി ദോ യാരോ യിൽ കാണാവുന്നതാണ്.ഇങ്ങനെയൊക്കെ ആണെങ്കിലും ഇതൊരു വെറുമൊരു പകർത്തൽ ആയി മാറുന്നില്ല,ഈ സിനിമയ്ക്കു ഇവയിൽ നിന്ന് വേറിട്ട തലത്തിൽ നില്ക്കാൻ പറ്റുന്നു എന്നത് തന്നെ ആണ് ഇതിന്റെ ഏറ്റവും വലിയ സവിശേഷത.
സിനിമയുടെ മഹാഭാരത രംഗത്തിൽ ദ്രൗപതി ആയി വേഷമിടുന്ന ശവം യഥാർത്ഥത്തിൽ ദ്രൗപതി എന്ന സ്ത്രീയുടെ അവസ്ഥയെ പൂർണമായി ഉൾക്കൊള്ളുകയും നമ്മുടെ ക്ലാസ്സിക് ആയ മഹാഭാരതത്തിലെ സ്ത്രീവിരുദ്ധത തുറന്നു കാട്ടുകയും ചെയ്യുന്നു.ഇതിനിടയിൽ അക്ബർ നെയും അനാർക്കലിയെയും കൊണ്ട് വരുകയും ചെയ്യുന്ന സംവിധായകൻ നമ്മൾ ബിംബവത്കരിച്ച പലതിനെയും ഉടച്ചു വാർക്കാനുള്ള ശ്രമം നടത്തുന്നുണ്ട്.ഇതിലെ പല ഡയലോഗ് കളും നമ്മെ ചിരിപ്പിക്കുകയും ചിന്തിപ്പിക്കുകയും ചെയ്യുന്നവയാണ്.
ഈ ലോ ബജറ്റ് സിനിമയുടെ ഏറ്റവും മികച്ച ഘടകം അഭിനയം തന്നെ ആണ്.naseerudhin ഷാ,ഓം പുരി,രവി baswani,പങ്കജ് കപൂർ,ഭക്തി ബർവേ,സതീഷ് ഷാ അടങ്ങിയ മികച്ച നാടക സിനിമ അഭിനേതാക്കളുടെ നിര തന്നെ ഇതിൽ കാണാം.ഇതിലെ കേന്ദ്ര കഥാപാത്രങ്ങളായ വിനോദ് നേയും സുധിർ നേയും അവതരിപ്പിച്ച naseerudhin ഷാ,രവി baswani എന്നിവർ മികച്ചു നിൽക്കുകയും ചെയ്യുന്നു ഇവരോടൊപ്പം തന്നെ തർനേജ,അഹുജ എന്നിവരെ അവതരിപ്പിച്ച പങ്കജ് കപൂർ,ഓം പുരി എന്നിവരും കേന്ദ്ര കഥാപാത്രങ്ങളെ അവതരിപ്പിച്ചവരോടൊപ്പം തന്നെ നിൽക്കുന്നുണ്ട്.ഇതൊക്കെ തന്നെ ആണെങ്കിലും ഓം പുരിയുടെ കഥാപാത്രത്തിന്റെ തർനേജ വിളി സിനിമയിൽ വേറിട്ട് നിൽക്കുകയും ചെയ്യുന്നു.ഈ ലോ ബജറ്റ് സിനിമയിൽ കൂലി കൂട്ടി ചോദിച്ച ആൾ ഒരു തരത്തിലും വഴങ്ങാതെ വന്നപ്പോൾ costume ഇട്ടു മഹാഭാരത scene ൽ വന്ന പ്രൊഡക്ഷൻ കൺട്രോളർ ആയ വിധു വിനോദ് ചോപ്ര അടക്കം മികച്ച അഭിനയം കാഴ്ച്ച വെക്കുന്നുണ്ട്.

“ Nahi, Draupadi jaisi Sati nari ko dekhkar maine cheer haran ka idea drop kar diya hai. Jai ho, aisi Sati nari ki jai ho.”

” Draupadi tere akele ki nahi hai. Hum sab shareholder hain.”

തുടങ്ങിയ എന്നും ഓർത്തു വെക്കാവുന്ന ഡയലോഗ് കൾ ഉള്ള ഈ സിനിമയിൽ ഏക ഗാനം ഹം honge കാംയാബ് എന്ന ഒരേ ഒരു ഗാനം ആണ്.ഈ ഗാനം അമേരിക്കയിൽ കറുത്ത വർഗക്കാരുടെ മുന്നേറ്റ സമയത്തു ഉയർന്നു കേട്ട we shall overcome ൽ നിന്ന് പ്രചോദിതമായത് ആണ്.ഈ ഗാനത്തിലെ വരികളെ പോലെ തന്നെ നമ്മൾ 34 കൊല്ലം കഴിഞ്ഞും ഈ അവസ്ഥകൾ എന്നെങ്കിലും മാറുമെന്ന പ്രത്യാശയോടെ ജീവിക്കുന്നു.best debut director ക്കുള്ള ദേശീയ അവാർഡ് കുന്ദൻ ഷാ ക്കു ലഭിക്കുകയും ചെയ്തു.ഈ സിനിമ ഇന്ത്യൻ സിനിമയിലെ മികച്ചതും വേറിട്ടതും ആയ ഒന്നാണ് .

62.Shit(2003) dir:Amudhan RP genre:documentary

മാരിയമ്മാൾ രാവിലെ തന്നെ തന്റെ ജോലിക്കു പോകുന്നിടത്തു നിന്ന് തുടങ്ങുന്ന 25 മിനിറ്റ് ഉള്ള ഡോക്യൂമെന്ററി ആണ് amudhan rp സംവിധാനം ചെയ്ത shit.മധുരൈ മുനിസിപ്പൽ കോര്പറേഷനിലേ ശുചീകരണ തൊഴിലാളി ആയ മാരിയമ്മാൾ ന്റെ ജോലി. അമ്പല തെരുവിലെ മനുഷ്യന്റെയും മൃഗങ്ങളുടെയും തീട്ടം വൃത്തിയാക്കുക എന്നതാണ്.25 കൊല്ലം ആയി ആരും അറപ്പും വെറുപ്പോടെയും കാണുന്ന ഈ ജോലി ചെയ്യുന്ന മാരിയമ്മാൾ ,ഈ ജോലിയിൽ നിന്ന് മാറ്റം ചോദിച്ചു മുകളിലെ ഉദ്യോഗസ്ഥന് അപേക്ഷ സമർപ്പിച്ചിട്ടുണ്ട് പക്ഷെ കൊല്ലങ്ങളായിട്ടു അതിൽ ഒരു മാറ്റവും ഇല്ലാതെ തുടരുകയും ചെയ്യുന്നു.ആരോഗ്യ രക്ഷ ക്കു വേണ്ട യാതൊരു വിധ കാര്യങ്ങളും ഇല്ലാതെ ജോലി ചെയ്യുന്ന മാരിയമ്മാൾക്കു ചെറിയ ശമ്പളവും ആണ്.തന്റെ പണി ആയുധങ്ങളിൽ മിക്കതും തന്റെ സ്വന്തം ചെലവിൽ നിന്നുള്ളതാണ് എന്ന് പറയുന്ന മാരിയമ്മാൾ നെ ഇവിടെ കാണുകയും ചെയ്യുന്നു.എന്നാലോ ഈ ജോലി ചെയ്യുന്ന രണ്ടു മക്കളിലൂടെ കുടുംബ പരമായി തന്നെ പിന്തുടർന്ന് പോകുകയും ചെയ്യുന്നു.

2003 ൽ എടുത്ത ഡോക്യുമെന്ററി ഇറങ്ങി 14 കൊല്ലത്തോളം കഴിഞ്ഞിട്ടും വളരെ അധികം ചർച്ച ചെയ്യേണ്ട ഒന്നാണ് ഈ ഡോക്യുമെന്ററി.the Employment of Manual Scavengers and Construction of Dry Latrines (Prohibition) Act 1993 നിയമപ്രകാരം ഇന്ത്യയിൽ തോട്ടിവേല നിരോധിച്ചിട്ടുണ്ട് പിന്നീട് ഈ നിയമം പരിഷ്കരിച്ചു കക്കൂസ് കുഴി തോണ്ടുന്നതിലേക്കും കൊണ്ട് വന്നു.enactment of the Prohibition of Employment as Manual Scavengers and their Rehabilitation Act 2013 ഈ നിയമത്തിലൂടെ തൊട്ടിവേല ചെയ്യുന്നവരെ വേറെ ജോലി കൊടുത്തു പുനരധിവസിപ്പിക്കേണ്ടത് കൂടെ ഉൾപ്പെട്ടിരുന്നു.2011 സെൻസസ് ന്റെ ഭാഗമായി നടത്തിയ socio economic and caste census പ്രകാരം 1,80,657 households are engaged in manual scavenging for a livelihood. Maharashtra, with 63,713, tops the list of the largest number of manual scavenger households, followed by Madhya Pradesh, Uttar Pradesh, Tripura and Karnataka ഇങ്ങനെയാണ് രേഖപ്പെടുത്തിയിട്ടുള്ളത്.ഇതിനു ശേഷം മാർച്ച് 2014 ലെ സുപ്രീം കോർട്ട് കണക്കിൽ 7 ലക്ഷം പേർ ഈ ജോലി ചെയ്യുന്നുണ്ട് എന്നാണ് കാണുന്നത്.ഇതിൽ ഏറ്റവും രസകരമായ കാര്യം ഈ നിയമങ്ങളെ കാറ്റിൽ പറത്തുന്നത് ഇന്ത്യൻ സർക്കാരിന് കീഴിൽ തന്നെ ഉള്ള സ്ഥാപനമായ ഇന്ത്യൻ റെയിൽവേ ആണ് .ഈ ജോലി ചെയ്യുന്നവരിൽ 90 ശതമാനത്തോളം താഴ്ന്ന ജാതിക്കാരുമാണ്.

Amudhan തന്റെ ഡോക്യുമെന്ററിയുടെ impact ആയിട്ട് തന്റെ ബ്ലോഗിൽ 2007 ൽ പോസ്റ്റ് ചെയ്തത് ഇവിടെയും കൊടുക്കുന്നു.

1) The street that is shown in the film full of shit is shut down.

2) Mariyammal, the protogonist of the film has been transferred to sweeping job.

3) The film is being screened in over 500 places in Tamilnadu by film circles, dalit groups, educational institutions and human rights groups.

4) The film has been embraced by Aathi Tamilar Peravai, a political movement working with Arundhatiyars in Tamilnadu and has become part of their campaign against manual scavenging both within and outside Tamilnadu.

5) The film also shook the Madurai municipal corporation that eventually brought in better infrastructure in maintanence and use of public toilets in Madurai.

ഒരു activist ന്റെയോ മറ്റു വിദഗ്ദ്ധരുടെയോ സാന്നിധ്യമില്ലാതെ ജോലിക്കാരിയായ മാരിയമ്മാൾലൂടെ മാത്രം സഞ്ചരിക്കുന്ന ഡോക്യുമെന്ററി യുടെ രീതിക്ക് വിമർശനങ്ങൾ ഏറ്റിട്ടുണ്ടെങ്കിലും എന്റെ അഭിപ്രായത്തിൽ ഈ രീതി തന്നെ ആണ് ഇത് പോലെ ഉള്ള ചൂഷണങ്ങൾക്ക് എതിരെ പോരാടാൻ വേണ്ടത്.cashless ഇക്കോണമി യെ കുറിചു സംസാരിക്കുന്ന ഇന്ത്യക്കാരുടെ ഇടയിൽ ഇന്നും കക്കൂസ് ദൗർബല്യവും ഇന്നും ബോധവത്കരണ കുറവ് കൊണ്ട് പൊതു ഇടങ്ങൾ കക്കൂസ് ആയി മാറുന്ന ഇന്ത്യയെ shitless ആക്കുന്ന ഇവരെ മറക്കാതിരിക്കുക.ഓര്മപ്പെടുത്തലുകൾ ആണല്ലോ സാമൂഹിക പുരോഗമാനത്തെ നിലനിർത്തുന്നത്,ഇന്ത്യ കടന്നു സാമൂഹിക സാമ്പത്തിക പരിഷ്കരണ കാലഘട്ടത്തിൽ ഈ ഡോക്യുമെന്ററി മികച്ച ഒരു ഓർമ്മപ്പെടുത്തൽ തന്നെ ആണ്.2017 എന്ന പുതുവത്സരത്തെ ഞാൻ വരവേറ്റുന്നത് നിരവധി അവാർഡുകൾ നേടിയിട്ടുള്ള ഈ ഡോക്യൂമെന്ററി നിങ്ങളുടെ മുന്നിൽ അവതരിപ്പിച്ചു കൊണ്ട് ആണ്.

 https://m.youtube.com/playlist?list=PL6169DC193C7EFCAA

61.C.I.D. (1956) dir:Raj Khosla genre:Action, Musical, Mystery

ഇന്ത്യൻ noir സിനിമകളുടെ ചരിത്രമെടുത്താൽ 1956ൽ ഇറങ്ങിയ C.I.D എന്ന സിനിമയുടെ സ്ഥാനം വളരെ മുകളിൽ ആണ്.ഇന്ത്യയിലെ പ്രഗൽഭ സംവിധായകനായ ഗുരു dutt ന്റെ അസിസ്റ്റന്റ് ആയിരുന്ന രാജ് ഖോസ്ലയുടെ സംവിധായകനെന്ന നിലയിൽ ആദ്യ സിനിമ ആയിരുന്നു C.I.D.ഗുരു dutt പ്രൊഡ്യൂസ് ചെയ്ത സിനിമ ആ കാലഘട്ടത്തിൽ ഗുരു dutt ഇന്ത്യൻ സിനിമയിൽ നടത്തിയിട്ടുള്ള noir പരീക്ഷണങ്ങളുടെ തുടർച്ചയായാണ് കണക്കാക്കപ്പെടുന്നത്.ബോംബെ എന്ന നഗരത്തിൽ നടക്കുന്ന ഈ സസ്പെൻസ് ത്രില്ലർ ഇന്ത്യൻ noir ന്റെ മുന്പോട്ടുള്ള പ്രയാണത്തിന് വളരെ അധികം സഹായിച്ചിട്ടുണ്ട്.


സിനിമയുടെ പ്ലോട്ടിലേക്കു പോയാൽ”അയാളെ വഴിയിൽ നിന്ന് മാറ്റണം കാശ് കൊടുത്തോ അല്ലാതെയോ” എന്ന് അർഥം വരുന്ന രീതിയിൽ ഒരു കൂട്ടം ഫോൺ വിളികളിൽ നിന്നാണ് സിനിമ തുടങ്ങുന്നത്.ആ ഫോൺ വിളികൾ അവസാനം ചെന്നെത്തുന്നത് ഷേർ സിംഗിലാണ്,അയാൾ ബോംബെ ടൈംസ് എഡിറ്ററെ വിളിച്ചു ഇത് താങ്കളുടെ അവസാനത്തെ അവസരമാണെന്നു പറയുകയും എഡിറ്റർ ശ്രീവാസ്തവ അയാളോട് ദേഷ്യപ്പെടുകയും ചെയ്യുന്നു.ഷേർ സിംഗ് ന്റെ ഫോൺ വെച്ചതും ശ്രീവാസ്തവ ബോംബെ സിഐഡി വിഭാഗത്തിലെ ഇൻസ്പെക്ടർ ശേഖറിനെ വിളിച്ചു തനിക്കു ലഭിച്ച ഭീഷണിയെ കുറിച്ച് പറയുകയും ശേഖർ ബോംബെ ടൈംസ് ഓഫീസിലേക്കു പുറപ്പെടുകയും ചെയ്യുന്നു.ഷേർ സിംഗ് ബോംബെ ടൈംസ് ഓഫീസിലേക്ക് വരുകയും ശ്രീവാസ്തവയെ കൊല്ലുകയും ചെയ്യുന്നു,അതേസമയം ബോംബെ ടൈംസ് ഓഫീസിൽ നിന്ന് ചെറിയ എന്തെങ്കിലും മോഷ്ടിക്കാൻ കയറിയ മാസ്റ്റർ ഈ കൊലപാതകിയെ കാണുകയും ചെയ്യുന്നു.ബോംബെ ടൈംസ് ഓഫീസിലേക്ക് ഉള്ള ലിഫ്റ്റിൽ നിന്ന് ശേഖറും കൂടെയുള്ള പോലീസ് കാരനും ഇറങ്ങുമ്പോൾ മറഞ്ഞു നിന്ന കൊലയാളി ലിഫ്റ്റ് കയറി താഴോട്ട് പോകുകയും ചെയ്യുന്നു.ഓഫീസിൽ എത്തിയ ശേഖറിനെ വരവേറ്റത് കുത്തു കൊണ്ട് കിടന്ന ശ്രീവാസ്തവയെ ആയിരുന്നു.അവിടെ നിന്ന് കൊലയാളിയെ പിന്തുടരാൻ വേണ്ടി രേഖയുടെ കാർ ചോദിക്കുന്ന ശേഖരിനോട് രേഖ വിമുഖത കാണിക്കുകയും പക്ഷെ ശേഖർ ബലം പ്രയോഗിച്ചു കാറിലേക്ക് കയറി കൊലയാളിയെ chase ചെയ്യുകയും ചെയ്യുന്നു.ഇതിനിടയിൽ വണ്ടി ഓഫ് ചെയ്യുന്ന രേഖ അതിനു ശേഷം ചാവി പുറത്തേക്കു വലിച്ചെറിയുകയും ചെയ്യുന്നു.ദേഷ്യം വന്ന ശേഖർ രേഖയോട് മഴയത് ഇറങ്ങി ചാവി എടുക്കാൻ നിർബന്ധിക്കുകയും ചെയ്യുന്നു .മഴ കൊണ്ട് തണുത്ത രേഖയ്ക്ക് തന്റെ coat നൽകുകയും ചെയ്യുന്നു.രാവിലെ രേഖയ്ക്ക് ചാവി കിട്ടുകയും അവൾ ശേഖറിനെ അവിടെ ഇട്ടു കാര് കൊണ്ട് കടന്നു കളയുകയും ചെയ്യുന്നു.


ശേഖർ തിരിച്ചു കൊലപാതക സ്ഥലത്തു എത്തുകയും അവിടെ വീണു കിടന്ന സിഗരറ്റ് കുറ്റി യും കൊലയാളിയുടെ വിരലടയാളവും ശേഖരിക്കുന്നു.ഇതിനിടയിൽ മാസ്റ്റർ നെ പോലീസ് പിടിക്കുകയും ചെയ്യുന്നുണ്ട്.മാസ്റ്റർ നെ ചോദ്യം ചെയ്യുന്നിടത്ത് ശേഖർ എത്തുകയും അയാളൊരു ചെറിയ കള്ളനാണെന്നു പറയുകയും വെറുതെ വിടുകയും പക്ഷെ ഒരു കോൺസ്റ്റബിൾനോട് എപ്പോഴും ഒരു കണ്ണ് വെക്കാൻ ആവശ്യപ്പെടുകയും ചെയ്യുന്നു.ശ്രീവാസ്തവ മരണപ്പെടുകയും ശ്രീവാസ്തവയുടെ റൂമിൽ നിന്ന് കിട്ടിയ സിഗറേറ്റിൽ ചരസ് അടങ്ങിയിട്ടുണ്ടെന്ന് മനസ്സിലാക്കുകയും പോലീസ് സംശയം തോന്നിയ ആളുകളെ പിടികൂടുകയും ചെയ്യുന്നു.അവരിൽ നിന്ന് ഷേർ സിംഗ് നെ മാസ്റ്റർ തിരിച്ചറിയുകയും ചെയ്യുന്നു.പക്ഷെ ഷേർ സിംഗ് ന്റെ പിറകിൽ ഒരാളുണ്ടെന്നു ഉറച്ചു വിശ്വസിക്കുന്ന ശേഖർ ,ശ്രീവാസ്തവ ജനങ്ങൾ ബഹുമാനത്തോടെ കാണുന്ന ഒരാളുടെ മുഖം മൂടി വലിച്ചു കീറാനുള്ള തയാറെടുപ്പിൽ ആയിരുന്നു എന്നും മനസിലാക്കുന്നു.ഷേർ സിംഗ് നെ വിട്ടുകൊടുക്കാൻ വേണ്ടി ശേഖറിന് കാമിനി മുഖേന  കൈക്കൂലി വാഗ്ദാനവും വില്ലൻ നടത്തുകയും അതിനെ നിരസിക്കുന്ന ശേഖർ,പിന്നീട് ഷേർ സിംഗ് നെ പോലീസ് ലോക്കപ്പിൽ വെച്ച് വില്ലന്റെ ഗുണ്ടകൾ കൊല്ലുകയും ശേഖറിന്റെ മേൽ കുറ്റമാരോപിക്കുകയും ചെയ്യുന്നതോടെ എല്ലാം തലകീഴായി മറിയുന്നു.സിനിമ പിന്നീട് തന്റെ നിരപരാധിത്വം തെളിയിക്കാനുള്ള ശേഖറിന്റെ പ്രയത്നത്തിലൂടെയും വില്ലനുമായുള്ള cat and mouse കളിയിലൂടെയും സിനിമ പുരോഗമിക്കുകയും ചെയ്യുന്നു.


ഇതിനിടയിൽ പോലീസ് സൂപ്രണ്ടിന്റെ മകളായ രേഖയുമായി ശേഖർ പ്രണയത്തിലാവുകയും ചെയ്യുന്നു.ശേഖർ ഒരു കൊലപാതകം ചെയ്യില്ല എന്ന് ഉറച്ചു വിശ്വാസിക്കുമ്പോൾ തന്നെ നീതിയെയും കോടതിയെയും വിശ്വസിക്കുന്ന അച്ഛൻ മാതുർ രേഖയോട് വിശ്വാസത്തിനെക്കാളും വലുത് തെളിവ് ആണെന്ന് ആവർത്തിച്ചു പറയുകയും ചെയ്യുന്നു.ശേഖർ നെ പ്രലോഭിപ്പിക്കാൻ ശ്രമിച്ച കാമിനി മാസ്റ്റർ നേയും സ്വാധീനിക്കാൻ ശ്രമിക്കുന്നുണ്ട്.പക്ഷെ കാമിനി രേഖയുടെ കുട്ടിക്കാലത്തെ സുഹൃത്ത് ആണെന്നും അവർ തമ്മിൽ കണ്ടു മുട്ടിയിട്ടു 4 കൊല്ലമായെന്നും രേഖയുടെ birthday പാർട്ടിയിൽ നിന്ന് ശേഖർ മനസ്സിലാക്കുന്നുണ്ട്.ഇവിടെ വെച്ച് ശേഖരിനോട് രേഖ താൻ ആണോ ഡ്യൂട്ടി ആണോ വലുത് എന്ന പ്രശ്നം ഉന്നയിക്കുമ്പോൾ വളരെ കൂൾ ആയിട്ട് ഡ്യൂട്ടിയെ സ്വീകരിക്കുന്ന ശേഖർനേയും നമുക്ക് കാണാം.


വില്ലൻ സിനിമ തുടങ്ങി കുറച്ചു സമയത്തിനുള്ളിൽ തന്നെ കാണിയുടെ മുന്നിൽ അവതരിപ്പിക്കുന്ന സംവിധായകൻ ഇതൊരു whodunit അല്ല എന്നും ഇതൊരു സസ്പെൻസ് ത്രില്ലർ ആണെന്നും ഉറപ്പിച്ചു പറയുന്നു.വില്ലൻ ഒരുക്കിയ കെണിയിൽ പെട്ട ശേഖർ അതിൽ നിന്ന് എങ്ങനെ രക്ഷപ്പെടുമെന്നാണ് സിനിമ പറയുന്നത് അതിനൊപ്പം തന്നെ വില്ലനെ കുടുക്കാൻ ശേഖർ ഒരുക്കുന്ന കെണിയുമൊക്കെ ആയി സിനിമ മുന്നോട്ടു പോകുന്നു .


ഗുരു dutt ന്റെ ശിഷ്യനായ രാജ് ഖോസ്ലയിൽ വ്യക്തമായ guru dutt സ്വാധീനം ഉണ്ട്.അത് choreography തൊട്ടു തുടങ്ങുകയും ഗുരു duttന്റെ സിനിമകളിൽ കാണുന്ന പോലെ വർഗ സംഘര്ഷങ്ങള് ചിത്രീകരിക്കുന്ന രീതിയിലും (ഗുരു dutt സിനിമകളും ജാതീയ വേര്തിരിവുകളെ കുറച്ചു മാത്രമേ ചർച്ച ചെയ്യാറുള്ളൂ,ജാതി mention ചെയ്യുന്നത് പോലും വളരെ ചുരുക്കമാണ്.)വ്യക്തമായി കാണാവുന്നതാണ്.baazi, aar paar തുടങ്ങിയ ഗുരു dutt സിനിമകളെ ഓർമിപ്പിക്കുന്ന cinematography,aar paar ന്റെ സിനിമറ്റൊഗ്രാഫർ ആയിരുന്ന vk murthy ആണ് കൈകാര്യം ചെയ്തിരിക്കുന്നത്.ഇതിലെ ഒരു ഗാന ചിത്രീകരണം നടത്തിയിരിക്കുന്നത് (“Ankhon Hi Ankhon Mein Ishara Ho Gaya”)ഗുരു dutt തന്നെയാണ്.


സംവിധായകൻ എന്ന നിലയിൽ രാജ് ഖോസ്ലയുടെ ജീവിതത്തിൽ പൊൻതൂവൽ ചാർത്തിയ cid പോരായ്മകളൊക്കെ ഉള്ള സിനിമ തന്നെ ആണ്.വഹീദാ റഹ്മാൻ അവതരിപ്പിച്ച കാമിനി എന്ന കഥാപാത്രം ഹോളിവുഡ് film noir സിനിമകളിൽ കാണുന്ന femme fatale യെ ഓർമിപ്പിക്കുന്ന തരത്തിൽ  തുടങ്ങുകയും പിന്നീട് അത് തുടർന്ന് ഇല്ലാതാവുകയും ചെയ്യുന്നുണ്ട്.ഇതിൽ പിന്നെ എടുത്തു പറയേണ്ട മറ്റൊരു കാര്യം ഗാനങ്ങളാണ് ,അതിമനോഹരമായ ഗാനങ്ങൾ ഉള്ള സിനിമയാണ് cid.”Boojh Mera Kya Naam Re”,”Ai Dil Hai Mushkil Jeena Yahaan”,”Leke Pahela Pahela Pyar”,”Ankhon Hi Ankhon Mein Ishara Ho Gaya”,”Kahin Pe Nigahen Kahin Pe Nishana”,എന്നീ അഞ്ചു പാട്ടുകളോടൊപ്പം സെന്സര് ബോർഡ് കട്ട് ചെയ്ത  “Jata Kanhan Hai Diwane” (ഈ ഗാനം ബോംബെ velvet സിനിമയിൽ വരുന്നുണ്ട്,noir സിനിമയായ cid ക്കു മറ്റൊരു noir സിനിമ നൽകുന്ന tribute ആയി കാണാവുന്നതാണ്.)അടങ്ങുന്നതാണ് .majrooh sultanpuri രചിച്ചു op nayyar സംഗീതം നൽകിയ ഈ പാട്ടുകളിൽ 1956ലെ ബോംബെ യെ മനോഹരമായി ചിത്രീകരിക്കുകയും വരികളിലൂടെ ബോംബെ യിലെ ജീവിതത്തെ പറയുകയും ചെയ്ത “ai dil hai mushkil jeena yahaan zaraa hatke zaraa bach ke ye hai Bambai meri jaan”എക്കാലത്തും ബോംബെ യെ കുറിച്ച് പറഞ്ഞ മികച്ച ഗാനങ്ങളിൽ ഒന്നാണ്.”Leke Pahela Pahela Pyar” എന്ന ഷംഷാദ് ബീഗവും മുഹമ്മദ് റാഫിയും കൂടി ആലപിച്ച ഗാനം അടക്കം എല്ലാം അതിമനോഹരവും ആയിരുന്നു.
ഇതിൽ അഭിനയിച്ച എല്ലാവരും തങ്ങളുടെ വേഷം മനോഹരമായി അവതരിപ്പിക്കുകയും തന്റെ ആദ്യ ഹിന്ദി സിനിമയിൽ മുഖം കാണിക്കുന്ന വഹീദാ റഹ്മാൻ പോലും ഇതിൽ തന്റെ ടാലെന്റ് കാണിക്കുന്നുണ്ട്.രാജ് ഖോസ്ല,ദേവ് ആനന്ദ്,op nayyar,ഗുരു dutt പോലുള്ള പ്രഗത്ഭരുടെ സാന്നിധ്യത്തിൽ ഒരുങ്ങിയ ഈ noir ,ഇന്ത്യൻ സിനിമ ചരിത്രത്തിൽ മികച്ച സ്ഥാനം തന്നെ ഉണ്ട്.

60.The Cow(gaav) (1969) dir:Dariush Mehrjui genre:drama

ഇറാനിലെ ഒരു ഗ്രാമത്തിൽ അവശേഷിക്കുന്ന ഏക പശുവിന്റെയും അതിന്റെ ഉടമസ്ഥനായ ഹസ്സന്റെയും കഥ പറയുന്ന the cow എന്ന Dariush mehrjui ചിത്രം ഇറാനിയൻ സിനിമ ചരിത്രത്തിലെ ഇളക്കി മാറ്റാൻ പറ്റാത്ത നാഴികക്കല്ല് ആണ്.ഇറാനിലെ ഒരു ഒറ്റപ്പെട്ട ഗ്രാമത്തിൽ നിന്ന് കഥ പറയുന്ന സിനിമ ഇറാനിയൻ ന്യൂവേവിന്റെ തുടക്കകാലത്തു വന്ന സിനിമയാണ്.
സിനിമ തുടങ്ങുന്നത് ആ ഗ്രാമത്തിലെ ബുദ്ധിമാന്ദ്യം സംഭവിച്ച ഒരു യുവാവിനെ അവിടെയുള്ള കുട്ടികൾ ചേർന്ന് ഉപദ്രവിക്കുകയും പരിഹസിക്കുകയും ചെയ്യുന്ന രംഗത്തിൽ നിന്നാണ്. പിന്നീട് ഹസ്സനിലേക്കും ഹസ്സന്റെ പശുവിലേക്കും പോകുന്ന സിനിമ മനോഹരമായി തന്നെ ഹസ്സന്റെ പശുവിനോടുള്ള അടുപ്പവും മക്കളില്ലാത്ത ഹസൻ ഭാര്യയെക്കാളും കൂടുതൽ പശുവിനെ സ്നേഹിക്കുകയും ചെയ്യുന്നു.പശുവിനെ തൊഴുത്തിലാക്കി ഹസ്സൻ ഗ്രാമം വിട്ടു ജോലിക്കു പോകുകയും പശു മരണപ്പെടുകയും ചെയ്യുന്നു.ഗ്രാമത്തിലെ ഏക പശുവായ ഹസ്സന്റെ പശുവിന്റെ മരണം ഗ്രാമവാസികളിൽ അങ്കലാപ്പ് ഉണ്ടാക്കുകയും ചെയ്യുന്നു.ഹസ്സന്റെ പശുവിനോടുള്ള സ്നേഹം അറിയാവുന്ന ഗ്രാമവാസികൾ എങ്ങനെ ഈ വിവരം ഹസ്സനോട് പറയുമെന്ന് ഓർത്തു സന്ദേഹപ്പെടുകയും ചെയ്യുന്നു.അങ്ങനെ അവർ പശു ഓടി പോയെന്ന കളവു പറയാൻ തീരുമാനിക്കുകയും ചെയ്യുന്നു.തിരിച്ചുവരുന്ന ഹസ്സൻ തന്റെ പശു ഓടിപോയെന്നുള്ള കാര്യം ഒരിക്കലും വിശ്വസിക്കാൻ പറ്റുന്നത് ആയിരുന്നില്ല.പശുവിന്റെ അസാന്നിധ്യം ഹസ്സന്റെ ജീവിതത്തെ ആകെ തകിടം മറിക്കുകയും ഹസ്സന്റെ മാനസിക നില തെറ്റുകയും ചെയ്യുന്നു.ഹസ്സൻ പശുവിനെ പോലെ പെരുമാറുകയും ഞാൻ ഹസ്സൻ അല്ല ഹസ്സന്റെ പശുവാണെന്നു ആവർത്തിച്ചു പറയുന്ന ഹസ്സനിലേക്കാണ് സിനിമ കൊണ്ട് പോകുന്നത്.
സുന്ദരമായ ഒരു ഗ്രാമത്തിലെ നല്ലവരായ ജനങ്ങളെ അല്ല സിനിമ കാണിക്കുന്നത്,പോരായ്മകൾ വേണ്ടുവോളം ഉള്ള ഗ്രാമീണ ജനതയെ ആണ്.ഈ ഗ്രാമത്തിൽ എല്ലാവരും ബഹുമാനത്തോടെ കാണുന്ന വ്യക്തിയാണ് ഹസ്സൻ.ഗ്രാമത്തിലെ പാൽ നൽകുന്ന ഏക പശു ഹസ്സന്റെതാണ് എന്നത് തന്നെ ആണ് ഹസ്സനെ മറ്റുള്ളവരിൽ വേറിട്ട് നിർത്തുന്നത്.ഗർഭിണി ആയ തന്റെ പശുവിനെ ഒരു കുട്ടിയെ പോലെ നോക്കുന്ന ഹസ്സനെയും കാണിക്കുന്ന സിനിമ പശുവിന്റെ മരണത്തിനു ശേഷം ഹസ്സനുണ്ടാകുന്ന മാറ്റം അല്ലെങ്കിൽ മാനസിക നില തകർക്കുന്നതിനു രണ്ടു കാരണങ്ങളെ വരച്ചിടുന്നുണ്ട്.ഒന്നാമത്തേത് മറ്റുള്ളവരേക്കാൾ പശുവിനെ സ്നേഹിക്കുന്ന ഹസ്സന്റെ അവസ്ഥ മക്കളെ നഷ്ട്ടപ്പെട്ട അച്ഛന്റെ പോലെ ആണ്.രണ്ടാമത്തേത് ഗർഭിണിയായ പശു കൊണ്ട് തനിക്കു ലഭിച്ചിരുന്ന ആദരവ് നഷ്ടപ്പെടുമെന്നുള്ള തിരിച്ചറിവ് കൊണ്ടുമാണ്.ആദ്യ പകുതി സംവിധായകൻ ഈ രണ്ടു കാരണങ്ങളെ സാധൂകരിക്കുന്ന രീതിയിലാണ് അവതരിപ്പിച്ചിരിക്കുന്നത്.
പശുവിന്റെ മരണ ശേഷം ഗ്രാമത്തിലേക്ക് വന്ന ഹസ്സന്റെ മനസ്സിനെ ആദ്യം വേദനിപ്പിക്കുന്നത് തന്റെ ഗ്രാമവാസികൾ പറഞ്ഞ കള്ളമാണ് ഈ കള്ളം പിന്നെ കുറെ അധികം കള്ളം പറയേണ്ട സാഹചര്യത്തിലേക്ക് അവരെ കൊണ്ട് ചെന്ന് എത്തിക്കുന്നുണ്ട്.മാർക്സിസ്റ്റും മനോരോഗവിദഗ്ദ്ധനും ആയ gholam-hossein saedi എഴുതിയ the mourners of bayal എന്ന കഥയെ ആസ്പദമാക്കിയെടുത്ത ഈ സിനിമ ധാരാളം രാഷ്ട്രീയ സാംസ്ക്കാരിക വ്യാഖ്യാനങ്ങൾ നൽകാവുന്ന തരത്തിൽ ആണ് അവതരിപ്പിച്ചിരിക്കുന്നത്.
പ്രാചീന പേർഷ്യൻ മതമായ zoroastrianism ത്തിൽ പശു ദൈവസമാനമായ സ്ഥാനമാണുള്ളത്,സിനിമയിൽ പശുവിന്റെ ഈ സ്ഥാനം ഊട്ടി ഉറപ്പിക്കുന്ന രീതിയിലാണ് പശുവിന്റെ character അവതരിപ്പിച്ചിരിക്കുന്നത്.ആ ഗ്രാമം മുഴുവൻ പാലിനായി ഈ പശുവിന്റെ അരികിലേക്കാണ് വരുന്നത് ,പിന്നെ ഗ്രാമത്തിൽ എല്ലാവരും അംഗീകരിക്കുന്ന ഇസ്ലാം എന്ന ഹസ്സന്റെ സുഹൃത്തിനെയും കൂട്ടി വായിക്കുമ്പോൾ വ്യക്തമാകുന്ന സാംസ്കാരികമായ കൂട്ടിമുട്ടലുകൾ സരളമായ ഒഴുകുന്ന കഥാഗതിക്ക് ഉള്ളിൽ ഒളിപ്പിച്ചു വച്ചിരിക്കുന്ന സംവിധായകൻ പല രീതിയിൽ തന്റെ സിനിമയെ വായിച്ചെടുക്കാം എന്ന് വിളിച്ചു പറയുന്നുണ്ട്.metaphorകൾ ധാരാളം ഉള്ള ഈ സിനിമ ജനങ്ങൾക്കിടയിലുള്ള അന്ധവിശ്വാസങ്ങളെയും മൃഗീയമായ വാസനകളെയും എല്ലാം തുറന്നു കാട്ടുന്നതിൽ വിജയകരമാകുന്നുണ്ട്.
നാം ഒരു മൃഗത്തിനെ അതിന്റെ സ്വത്വപരമായ സവിശേഷത മറന്നു മനുഷ്യൻ സ്വയം സംരക്ഷകരായി മാറുമ്പോൾ യഥാർത്ഥത്തിൽ അതിന്റെ സ്വാതന്ത്ര്യത്തിൽ കൈകടത്തുകയല്ലേ ചെയ്യുന്നത് എന്ന് ചോദിക്കുന്നുണ്ട്.മൃഗത്തെ കെട്ടിയിടുന്നത് കാണുമ്പോൾ നമ്മുടെ മനസ്സു വേദനികാതിരിക്കുകയും പിന്നീട് ബുദ്ധിമാന്ദ്യം സംഭവിച്ച കുട്ടിയെ കെട്ടി ഇടുമ്പോൾ നമ്മുടെ മനസ്സു വേദനിക്കുകയും ചെയ്യുന്നു ,സംവിധായകൻ കാണിയുടെ പൊതുബോധത്തിനു അടി നല്കാൻ വേണ്ടി തന്നെ ആണ് ഈ രംഗങ്ങൾ ഉപയോഗിക്കുന്നത്.പശുവിനെ പോലെ ഉള്ള മൃഗങ്ങളെ കൊല്ലുമ്പോൾ മാത്രമല്ല അതിനെ അവഹേളിക്കുന്നത് ,അടിമയെ പോലെ കെട്ടിയിട്ടു പാടത്തു പണിയെടുപ്പിച്ചു അതിന്റെ കുഞ്ഞിന് വേണ്ടി ചുരത്തുന്ന പാൽ മോഷ്ടിച്ചു കുടിക്കുമ്പോളും അതിനോട് ദ്രോഹം ചെയ്യുക തന്നെ ആണ് ചെയ്യുന്നത് സംവിധായകന് മനസ്സിലാക്കി തരാന് സാധിക്കുന്നുണ്ട്.
the house is black, the brick and the mirror, gheysar പോലുള്ള സിനിമകൾ കൊണ്ടു വന്ന ഇറാനിയൻ ന്യൂവേവ് അതിന്റെ പൂർണ സ്വഭാവം കാണിക്കുന്നത് the cow എന്ന സിനിമയിലൂടെയാണ്.പോരാത്തതിന് ഇറാനിൽ shah ഗവണ്മെന്റ് പടച്ചു വിട്ടിരുന്ന മനോഹരവും നല്ലവരുമായ ഇറാനിയൻ ജനത എന്ന cliche ഈ സിനിമ തകർക്കുകയും ചെയ്യുന്നുണ്ട്.au hasard balthazar,los olvidados പോലുള്ള സിനിമകളുടെ ശൈലിയോട് സാമ്യമുള്ള രീതിയിലാണ് mehrjui തന്റെ സിനിമ സംവിധാനം ചെയ്തിരിക്കുന്നത്.ഇറ്റാലിയൻ neorealism തോടൊപ്പം തന്നെ sarrealistic elements ഉം സിനിമയിൽ നമുക്ക് കാണാവുന്നതാണ്.ഇറാനിലെ ഇസ്ലാമിക് revolution ശേഷം സിനിമകളെ ബാൻ ചെയ്യാതിരിക്കാനുള്ള കാരണവും ഷാ ഭരണകൂടം നിരോധിച്ച ഈ സിനിമയോട് ayatollah khomeini ക്കു ഉണ്ടായിരുന്ന ഇഷ്ടമായിരുന്നു.അതുകൊണ്ടു തന്നെ the cow എന്ന ഇറാനിയൻ ചരിത്രത്തിൽ സുവർണ്ണ ലിപികളിൽ എഴുതപ്പെട്ട സിനിമകളിൽ ഒന്നാണെന്ന് നിസ്സംശയം പറയാം.
ഷാ ഭരണകൂടം നിരോധിച്ച ഈ സിനിമ ഇറാനിൽ നിന്ന് ഒളിച്ചു കടത്തുകയായിരുന്നു.അങ്ങനെ പുറം ലോകം അറിഞ്ഞ ഈ സിനിമയിൽ അഭിനയിച്ച എല്ലാവരും നല്ല പ്രകടനം തന്നെ കാഴ്ച വെക്കുന്നുണ്ട്,പ്രത്യേകിച്ച് എടുത്തു പറയേണ്ട ഒരാൾ ഹസ്സനെ അവതരിപ്പിച്ച Ezzatolah Entezami തന്നെ ആണ് .അദ്ദേഹത്തിന്റെ അഭിനയമികവ് സിനിമയുടെ നട്ടെല്ല് എന്ന് വിശേഷിപ്പിക്കാവുന്നതാണ്.ഇറാനിയൻ ന്യൂവേവിൽ എടുത്തു പറയേണ്ട ഒരു സിനിമയായ the cow നു വെനീസ് ഫിലിം ഫെസ്റ്റിവലിൽ ഫിപ്രെസ്സി പുരസ്കാരവും ബെർലിൻ ഫിലിം ഫെസ്റ്റിവലിൽ ഒരു അവാർഡും നേടിയിട്ടുണ്ട്.

59.Peppermint Candy (1999) dir:Lee Chang-dong genre:Drama

image

ആത്മഹത്യ എന്നത് ഒരു ആന്തരിക ദുരന്തത്തിന്റെ പരിസമാപ്തി ആണെന്ന് പലരും അഭിപ്രായപ്പെട്ടിട്ടുണ്ട്.ഇറ്റാലിയൻ എഴുത്തുകാരനായ പാവെസ് “കലയുടെ രൂപത്തിൽ ഒരു ആന്തരിക ദുരന്തം ആവിഷ്കരിക്കുന്നതാണ് ആത്മഹത്യ “എന്ന് പറയുകയും തന്റെ ജീവിതത്തിന് ആത്മഹത്യ കൊണ്ട് ഫുൾ സ്റ്റോപ്പ് ഇടുകയും ചെയ്ത ഒരാളാണ്.ഒരു ആത്മഹത്യയിൽ നിന്ന് തുടങ്ങി അതിന്റെ കാരണങ്ങളിലേക്കും മറ്റും തിരിഞ്ഞു നോക്കുന്ന ഘടനപരമായി പുതുമായുള്ളതുമായ കൊറിയൻ സിനിമയാണ് peppermint candy.Lee Chang-dong സംവിധാനം ചെയ്ത ഈ സിനിമ ആത്മഹത്യയിൽ നിന്ന് തുടങ്ങി പിന്നിലേക്ക് പോയി yong-ho എന്ന കഥാപാത്രത്തെ വിശകലനം ചെയ്യുകയാണ്.memento(2001) എന്ന christopher nolan സിനിമയോട് സാമ്യത പുലർത്തുന്ന ഘടന തന്നെയാണ് ഇതിന്റെ പ്രത്യേകത(betrayal എന്ന ഹാരോൾഡ് പിന്റെർ നാടകത്തിൽ നിന്നും അതിന്റെ സിനിമവിഷ്കാരത്തിൽ നിന്നും ആണ് ഘടനാപരമായ സ്വാധീനം ഉള്കൊണ്ടത്.).

സിനിമ തുടങ്ങുന്നത് മധ്യവയസ്കരായ പുരുഷന്മാരും സ്ത്രീകളും 20 കൊല്ലങ്ങൾക്ക് ശേഷം ഒന്നിക്കുന്ന ഒരു പിക്നിക് പാർട്ടിയിൽ നിന്നാണ്,അവിടെ ഒറ്റയ്ക്ക് ആകാശത്തേക്ക് നോക്കി ഇരിക്കുന്ന yong-hoയെ കാണിക്കുകയും പിന്നീട് ആ പിക്നിക് പാർട്ടിയിലേക്ക് മാനസിക സമനില തെറ്റിയ ഒരാളെ പോലെ നടന്നു അടുക്കുന്നു.yong-ho യെ തിരിച്ചറിയാൻ ബുദ്ധിമുട്ടുന്ന അവർ 20 കൊല്ലം മുന്നേ അവരുടെ കൂടെയുള്ള yong-ho യെ തിരിച്ചറിയുകയും yong-hoയോട് ക്ഷണിക്കാൻ സാധിക്കാത്തതിൽ ക്ഷമ ചോദിക്കുകയും ചെയ്യുന്നു.യോങ് ഹോ അവിടെ വെച്ച് Na na na na Na na na Na na na What should I do,you left so suddenly,What should I do,I can’t live without you.What should I do,you left me behind, That won’t do, really.Please don’t go.Did you have a secret that no one knew?You were the one so tender…ഈ ഗാനം പാടുകയും ചെയ്യുന്നു.പിന്നീട് യോങ് ഹോ ഭ്രാന്തമായ രീതിയിൽ റെയിൽ പാലത്തിലേക്ക് നടക്കുകയും ചെയ്യുന്നു.അപ്പോൾ യോങ് ഹോയോട് സുഹൃത്തുക്കൾ താല്പര്യമില്ലെങ്കിലും താഴെ ഇറങ്ങാൻ പറയുന്നു,ആദ്യത്തെ ട്രെയിൻ യോങ് ഹോ നിൽക്കുന്ന പാളത്തിലൂടെ അല്ലാതെ കടന്നു പോവുകയും ചെയ്യുന്നു.ഇത് കണ്ടു സുഹൃത്തുക്കൾ യോങ് ഹോയിൽ നിന്ന് ശ്രദ്ധ മാറ്റുകയും ചെയ്യുന്നു,പക്ഷെ ഒരു സുഹൃത്ത് യോങ് ഹോയോട് പാലത്തിൽ നിന്നിറങ്ങാൻ കേണപേക്ഷിക്കുകയും ചെയ്യുന്നു.യോങ് ഹോ നിൽക്കുന്ന പാലത്തിലൂടെ ട്രെയിൻ വരികയും I am going back എന്ന് പറയുന്ന യോങ് ഹോയുടെ ഫ്രീസിങ് ഷോട്ടോട് കൂടെ സിനിമയുടെ ആദ്യ ഭാഗം അവസാനിക്കുന്നു.

സിനിമ പിന്നീട് യോങ് ഹോയുടെ ജീവിതത്തിലെ വിവിധ ഏടുകൾ തുറന്നു നോക്കുകയും കാണിയെ ജിജ്ഞാസയിൽ നിർത്തി കൊണ്ട് തന്നെ യോങ് ഹോയെ ആത്മഹത്യയിൽ എത്തിച്ച കാരണങ്ങൾ അന്വേഷിക്കുകയാണ് ചെയ്യുന്നത്.സിനിമ പിറകോട്ടു ഓടുന്ന ട്രെയിനിലൂടെ ആണ് പിറകോട്ടു സഞ്ചരിക്കുന്നത്,ആദ്യ ഭാഗം കൂടാതെ ആറു ഭാഗങ്ങൾ ഉള്ള സിനിമ 20 കൊല്ലങ്ങൾക്ക് ഇടയിൽ യോങ് ഹോക്ക് വന്ന മാറ്റങ്ങൾ ആണ്.സിനിമയിലെ ഓരോ ഭാഗവും യോങ് ഹോയുടെ ജീവിതത്തിൽ സ്വാധീനം ചെലുത്തിയവയും ആണ്.യോങ് ഹോയുടെ ആത്മഹത്യക്കു ശേഷം സിനിമ മൂന്നു ദിവസം പിറകോട്ടു പോയി സാമ്പത്തികമായി തകർന്ന കടം കൊണ്ട് നിറഞ്ഞ ആത്മഹത്യ ചെയ്യാനുള്ള തീരുമാനമെടുത്ത യോങ് ഹോയെ ആണ് കാണുന്നത്.പക്ഷെ താൻ മരിക്കുന്നതിന് മുൻപ് തന്റെ ഈ അവസ്ഥക്ക് കാരണക്കാരായ ഒരാളെ എങ്കിലും കൊല്ലണമെന്ന് യോങ് ഹോ തീരുമാനമെടുക്കുകയും ചെയ്യുന്നു.ഇവിടെ വെച്ച് യോങ് ഹോക്ക് ഡിവോഴ്സ് ആയ ഒരു ഭാര്യയും കുട്ടിയും ഉണ്ടെന്നും നാം അറിയുന്നു.ഇങ്ങനെയുള്ള യോങ് ഹോയെ തേടി തന്റെ ആദ്യ കാമുകിയുടെ ഭർത്താവ് വരുകയും രോഗം പിടിപെട്ടു അത്യാസന്ന നിലയിൽ കിടക്കുന്ന തന്റെ ഭാര്യക്ക് യോങ് ഹോയെ കാണണമെന്നും അറിയിക്കുന്നു.യോങ് ഹോ sunim നെ പോയി കാണുകയും ചെയ്യുന്നു.പിന്നീട് സിനിമ 1994ൽ ബിസിനസ്സ്കാരനായ യോങ് ഹോ 1987ലെ മുതിർന്ന പോലീസ് ഉദ്യോഗസ്ഥൻ 1984 പോലീസിൽ ചേർന്ന കാലഘട്ടം 1980ലെ നിർബന്ധിത പട്ടാള സേവന കാലഘട്ടം 1979 ലെ പിക്നിക് എന്നിവയിലൂടെ കടന്നു പോകുന്നു.
ഫ്രോയിഡിന്റെ ആശയത്തിൽ ആത്മഹത്യയിലേക്ക് ഒരാളെ തള്ളിയിടുന്ന കാരണങ്ങൾ മാനസികമായ കാരണങ്ങൾ ആണ് എന്നത് ഉൾക്കൊണ്ട് തന്നെ സമൂഹ്യശാസ്ത്രജ്ഞനായ Émile Durkheim ആത്മഹത്യയോട് പുലർത്തുന്ന സാമൂഹികപരവുമായ കാഴ്ചപ്പാടുകളെ കൂടെ സംവിധായകൻ പരിഗണിക്കുകയും ചെയ്യുന്നുണ്ട്.സിനിമ അതുകൊണ്ട് തന്നെ യോങ് ഹോയുടെ ജീവിതത്തിനു ഒപ്പം തന്നെ കൊറിയയുടെ ചരിത്രത്തിലേക്കും എതിനോക്കുന്നു.പട്ടാള ഭരണം കൊണ്ട് പൊറുതി മുട്ടിയ 1980കളിലെ കൊറിയയും അന്ന് നടന്നിരുന്ന ക്രൂരതകളെയും വരച്ചു കാട്ടുന്നതിൽ സിനിമ വിജയിക്കുന്നുണ്ട്.Gwangju Massacre എന്ന പട്ടാള ഭരണകാലത്തെ മോശപ്പെട്ട ഏട് സിനിമയിൽ വലിയൊരു പങ്കു വഹിക്കുന്നുണ്ട്,ആ ഭരണകൂടം നടത്തിയ വേട്ടയാടലുകളും അതുപോലെ പ്രാധാന്യം കൊടുക്കുകയും ചെയ്യുന്നു.സിനിമയിൽ Asian Financial Crisisനെ പറയാതെ പറയുകയും ചെയ്യുന്നുണ്ട് സംവിധായകൻ.
Memento പോലെ തന്നെ ഈ സിനിമയും കാരണത്തെ അന്വേഷിക്കുന്ന whydunit സിനിമ ആണ്.പക്ഷെ mystery എന്നതിനേക്കാളും പ്രാധാന്യം character study ക്കു ആണ്.യോങ് ഹോയുടെ സ്വഭാവത്തിന്റെ മാറ്റങ്ങളിലെ ഓരോ തൊലിയും പൊളിച്ചെടുത്തു അയാളുടെ അകത്തേക്ക് കടന്നു ചെല്ലാനുള്ള പരിശ്രമമാണ് സിനിമ നടത്തുന്നത്.പക്ഷെ പരിപൂർണതയോടെ അല്ല എന്ന് മാത്രം,ഈ സിനിമയുടെ ഭംഗിയും അത് തന്നെയാണ്.സിനിമയുടെ ഘടന 20കൊല്ലത്തെ ജീവിതത്തെ 2 മണിക്കൂറിലേക്ക് ചുരുക്കുന്നതിൽ വിജയമാകുകയും ചെയ്യുന്നു,ഈ വിജയം തന്നെയാണ് സിനിമയുടെ ഘടനയെ വെറുമൊരു gimmick എന്ന രീതിയിലേക്ക് ഒതുക്കാത്തതും.സിനിമ മറ്റൊരു രീതിയിൽ നോക്കുകയാണെങ്കിൽ നിരാശയിൽ നിന്ന് പ്രത്യാശയും നിഷ്കളങ്കതയും നിറഞ്ഞു നിൽക്കുന്ന യുവത്വത്തിലേക്കുള്ള യാത്രയാണ്.
സിനിമയിലെ വിവിധ ഘട്ടങ്ങളെ ബന്ധിപ്പിക്കുന്നത് ട്രെയിനിലൂടെയാണ് ഇതൊരു ശക്തമായ metaphor ആണ്.ട്രെയിൻ വിവിധ രീതിയിൽ സിനിമയോട് ലയിപ്പിക്കാവുന്ന രീതിയിൽ അവതരിപ്പിക്കുന്ന സംവിധായകൻ ലീ ചാങ് ടോങ് തന്റെ സംവിധാന മികവിനെ തന്നെ ആണ് കാണിക്കുന്നത്.bright ആയിട്ടുള്ള cinematography കൊണ്ടും ഇതിലെ സംഗീതം കൊണ്ടും വളരെ പ്രശംസ നൽകേണ്ട സിനിമയാണ് ഇത്.കൊറിയൻ ന്യൂ വേവിലെ മികച്ച സിനിമകളിൽ ഒന്നായ ഇത് കാര്ലോവി വാരി ഫിലിം ഫെസ്റ്റിവലിൽ സ്പെഷ്യൽ ജൂറി prize അടക്കം മൂന്നു അവാർഡുകൾ നേടി.

58.Soldier of Orange (1977) dir:Paul Verhoeven genre:Drama,Romance,Thriller,War

ഭീകരത കൊണ്ടും രാഷ്ട്രീയ സംഘർഷങ്ങൾ കൊണ്ടും ലോകത്തിൽ തന്നെ വലിയ മാറ്റങ്ങൾ സൃഷ്ടിച്ച രണ്ടാം ലോകമഹായുദ്ധം ഒട്ടനവധി സിനിമകൾക്ക് കാരണമായിട്ടുണ്ട്,ഇവയിൽ അധികവും ചടുലമായ യുദ്ധ രംഗങ്ങൾ കൊണ്ട് നിറഞ്ഞതും കാണിയുടെ മനസ്സിൽ പലതരം വികാരങ്ങൾ പൊട്ടി പുറപ്പെടുവിക്കുന്നതിലും വിജയിച്ചിട്ടുണ്ട്.രണ്ടാം ലോക മഹായുദ്ധ കാലത്ത് യുവാക്കൾക്കിടയിലുണ്ടായിട്ടുള്ള അനിശ്ചിതാവസ്ഥയെയും മറ്റും അതിന്റെതായ സങ്കീര്ണതകളോടെ സിനിമയിലേക്ക് ആവിഷ്ക്കരിക്കപ്പെട്ടിട്ടുണ്ട് പക്ഷെ അങ്ങനെയുള്ള സിനിമകളുടെ എണ്ണം വളരെ തുച്ഛമാണ് എന്ന് പറയേണ്ടതില്ലല്ലോ.നാസി സൈന്യം ഹോളണ്ടിലേക്ക് ഇരച്ചു കയറിയപ്പോൾ ഒരു കൂട്ടം യുവാക്കൾക്കിടയിലുണ്ടായ മാറ്റത്തെ തുറന്നു കാട്ടുന്ന ഡച്ച് യുദ്ധ സിനിമയാണ് paul verhoeven സംവിധാനം ചെയ്ത soldier of orange.നാസികൾ ഹോളണ്ടിലേക്ക് കടന്നു കയറിയ സമയത്ത് അവിടെ നിന്ന് രക്ഷപ്പെട്ടു ബിട്ടനിലുള്ള ഡച്ച് രാജ്ഞിയുടെ അടുത്തെത്തുകയും പിന്നീട് ബ്രിട്ടീഷ് റോയൽ എയർ ഫോഴ്സിനു വേണ്ടി യുദ്ധവിമാനം പറത്തുകയും ചെയ്ത ഡച്ച് ചരിത്രത്തിലെ യുദ്ധ നായകന്റെ ആത്മകഥ അടിസ്ഥാനമാക്കി വന്ന സിനിമയാണ് ഇത്.Erik Hazelhoff Roelfzema എന്ന യുദ്ധ പോരാളിയുടെ ആത്മകഥ ആസ്പദമാക്കിയുള്ള സിനിമയായ soldier of orange അദ്ദേഹത്തെ ഒരു യുദ്ധ നായകനായുള്ള മാറ്റത്തെ ഒട്ടും അതിഭാവുകത്വം നിറക്കാതെ തുറന്നു കാണിക്കുകയും ഒപ്പം തന്നെ അദ്ദേഹത്തിന്റെ സുഹൃദ് വലയത്തിന് ഉണ്ടായ മാറ്റങ്ങളും കാണിക്കുന്നുണ്ട്.

ഈ സിനിമ ആരംഭിക്കുന്നത് രണ്ടാം ലോക മഹായുദ്ധം അവസാനിച്ചതിനു ശേഷം ഹോളണ്ടിലെ രാജ്ഞി തിരിച്ചു വരുന്നതും അവർക്കു തന്റെ മണ്ണിൽ ലഭിക്കുന്ന ഊഷ്മളമായ സ്വീകരണവും ഒരു ന്യൂസ് റീല് രീതിയിൽ കാണിക്കുന്നിടത്തു നിന്നാണ്.പിന്നീട് ലോകത്തിൽ തന്നെ പഴക്കം ചെന്ന സർവ്വകലാശാലകളിൽ ഒന്നായ ലേയ്ഡനിൽ 1938ൽ പഠനത്തിനായി ചേർന്നവർക്കുള്ള ഫ്രഷേഴ്സ് പാർട്ടിയിൽ ആണ് എത്തുന്നത്.റാഗിങ്ങ് അരങ്ങു തകർക്കുന്ന ഈ രംഗങ്ങളിൽ മൊട്ട അടിച്ച ജൂനിയർ വിദ്യാർത്ഥികളെ സീനിയർ വിദ്യാർത്ഥികൾ പല തര അഭ്യാസ പ്രകടനത്തിലേക്ക് കൊണ്ട് പോകുന്നു.ഇതിൽ നിന്ന് രക്ഷപ്പെട്ടു മേശയുടെ അടിയിൽ ഒളിച്ച erik, jack, alex എന്നിവരെ ഈ കലാപരിപാടിയുടെ മേൽനോട്ടം വഹിക്കുന്ന സംഘടനയുടെ പ്രസിഡന്റ് ആയ guus കണ്ടുപിടിക്കുകയും erik നെ കൊണ്ട് പാട്ടു പാടിപ്പിക്കുകയും ചെയ്യുന്നു,ഓരോ തവണ പാട്ട് തെറ്റി എന്ന് പറഞ്ഞു തന്റെ ഭക്ഷണം erik ന്റെ തലയിലൂടെ ഒഴിക്കുന്ന guus അവസാനം പാത്രം കൊണ്ട് erik ന്റെ തലയ്ക്കു അടിക്കുകയും ചെയ്യുന്നു.ഇതിനെ തുടർന്ന് തല പൊട്ടുന്ന erikനോട് guus സുഹൃദ്ബന്ധം സ്ഥാപിക്കുകയും erik നെ തന്റെ കൂടെ താമസിക്കാൻ ക്ഷണിക്കുകയും ചെയ്യുന്നു.erik, guus, alex, nico, ian,jack, robby, esther എന്നീ സുഹൃത്തുക്കളുടെ സന്തോഷകരമായ ജീവിതത്തിലേക്ക് കരിനിഴൽ വീഴ്ത്തി കൊണ്ട് രണ്ടാം ലോക മഹായുദ്ധം പൊട്ടി പുറപ്പെടുകയും വളരെ ഉദാസീനരായ ഇവർ ഹോളണ്ട് യുദ്ധത്തിൽ പങ്കെടുക്കാൻ പോകുന്നില്ല എന്നും ആരും ഹോളണ്ടിനെ അക്രമിക്കില്ല എന്നുമുള്ള അനുമാനത്തിൽ മുന്നോട്ടു പോകുന്നു.പക്ഷെ അവരുടെ കാഴ്ചപ്പാടുകളെ തകിടം മറിച്ചു കൊണ്ട് നാസി ജർമ്മനി ഹോളണ്ടിനെ ആക്രമിക്കുകയും ചെയ്തു.guus ബിരുദം നേടിയ മെയ് ഒൻപതു 1940നു തന്നെയാണ് നാസി ജർമ്മനി ഹോളണ്ടിനെ അക്രമിച്ചതും വളരെ ചുരുങ്ങിയ ദിവസം കൊണ്ട് ഹോളണ്ടിനെ തങ്ങളുടെ കാല്കീഴിലാക്കുകയും ചെയ്യുന്നു.5 ദിവസം കൊണ്ട് തീർന്ന യുദ്ധം പക്ഷെ erik, guus ഒക്കെ അടങ്ങുന്ന ചങ്ങാതി കൂട്ടത്തിലും അനിശ്ചിതത്വവും ഭയവും നിറക്കുകയും അവർ പല വഴിക്കു തിരിയുകയും ചെയ്യുന്നു ,നാസികൾക്കു എതിരെയും നാസികൾക്ക് ഒപ്പവും യുദ്ധം തീരുന്നത് വരെ നിഷ്ക്രിയമായി ഇരിക്കാനുള്ള തീരുമാനം എടുത്തവരും ഒക്കെ ആയി മാറുന്നു.പിന്നീട് സിനിമ ഈ ചങ്ങാതി കൂട്ടത്തിലൂടെയും പ്രധാനമായും erik ന്റെ യുദ്ധ നായകനായുള്ള മാറ്റത്തെയും കാണിക്കുകയും ചെയ്യുന്നു.

സിനിമയുടെ തുടർന്നുള്ള സഞ്ചാരത്തിൽ erik, guus അടക്കമുള്ളവർ ചേർന്ന് നടത്തുന്ന ഇംഗ്ലണ്ടിലേക്കുള്ള ഒളിച്ചോട്ടവും ചാര പ്രവർത്തനവും എല്ലാം ചേർന്ന് വളരെ നാടകീയമായിട്ടാണ് അവതരിപ്പിക്കുന്നത്,ഇങ്ങനെയൊക്കെയാണെങ്കിലും സംവിധായകൻ തന്റെ ഓരോ കഥാപാത്രങ്ങളെയും പ്രത്യേക ശ്രദ്ധ പുലർത്തുന്നുമുണ്ട്.ഇവരിൽ alex തന്റെ അമ്മയുടെ ജർമൻ ബന്ധം മൂലം നാസി സൈന്യത്തിൽ എത്തിപ്പെടുമ്പോൾ ജൂതനായ ian അരക്ഷിതാവസ്ഥയിൽ എത്തിപ്പെടുകയും ചെയ്യുന്നു.ബാക്കിയുള്ളവർ നാസികൾക്കു എതിരെയും തിരിയുന്നു.സിനിമ ഇവർക്കിടയിലൂടെ യുദ്ധം മൂലം ഉണ്ടായ ഭീതിയെയും അരക്ഷിതാവസ്ഥയെയും വരച്ചു കാട്ടുന്നതിൽ പൂർണമായി വിജയിക്കുന്നുണ്ട്.
Erik എന്ന നായകന്റെ ജീവിതം അതിഭാവുകത്വം നിറക്കാതെ ചെറുപ്പം മുതലേ ധീരനും ദേശാഭിമാനിയും ആയ നായകനെ കാണിക്കുന്ന സ്ഥിരം യുദ്ധ സിനിമകളിൽ നിന്ന് വഴി മാറി ചിന്തിക്കുന്ന സിനിമ ,യുദ്ധത്തിൽ പങ്കെടുക്കാൻ വൈമനസ്യം കാണിക്കുന്ന erik പക്ഷെ തന്റെ അടുത്ത കൂട്ടുകാർക്ക് വേണ്ടി യുദ്ധത്തിലേക്ക് എത്തിപ്പെടുകയാണ് ചെയ്യുന്നത്.കൂട്ടുകാരോട് അങ്ങേയറ്റം സ്നേഹവും കൂറും പുലർത്തുന്ന എറിക് പക്ഷെ അവരുടെ പ്രണയിനികളോട് ആവർത്തിച്ചു പ്രണയത്തിലാവുകയും ചെയ്യുന്നു.verhoeven ഒരേ സമയം തന്റെ നായകനെ ഭൂമിയിൽ നിന്ന് ഉയർന്നു പോകാതിരിക്കാനും യുദ്ധ സിനിമകളിലെ തന്റെ കാമുകനെ കാത്തിരിക്കുന്ന സ്ത്രീകളെ ഇല്ലാതാക്കുകയും ചെയ്യുന്നു.യുദ്ധ രംഗത്തേക്ക് വൈമനസ്യത്തോടെ എത്തുന്ന erik ന്റെ ജീവിതത്തിലെ സാഹസികമായ ഏട് റോയൽ എയർ ഫോഴ്സ് ന്റെ യുദ്ധവിമാന പൈലറ്റ് ആയിട്ടാണ് .പക്ഷെ ഈ ഭാഗത്തോട് ഒട്ടും താല്പര്യം കാണിക്കാത്ത സംവിധായകൻ തന്റെ സിനിമ നായകന്റെ ഉയർച്ചയെയും വ്യക്തിത്വത്തെയും അളക്കാനും ഉപയോഗിക്കുന്നു.

Verhoeven തന്റെ യുദ്ധസിനിമയിലൂടെ പറയുന്ന മറ്റൊരു കാര്യം യുദ്ധത്തിൽ മനുഷ്യത്വം എന്ന വാക്കിന് ചവറ്റു കൊട്ടയിലാണ് സ്ഥാനം എന്നതാണ്,അതിൽ നാസികളുടെ ക്രൂരത കണ്ണുകളിലൂടെ കാണുമ്പോൾ ബ്രിട്ടനും ഒട്ടും പിറകിലല്ല എന്നത് സംവിധായകൻ വ്യക്തമാക്കുന്നുണ്ട്.ഹോളണ്ടിലേക്ക് രഹസ്യ ദൗത്യം നിറവേറ്റാൻ വരുന്ന guus അടക്കമുള്ളവരെ ബ്രിട്ടൻ തങ്ങളുടെ അന്തിമവിജയം കൈകലാക്കാനുള്ള ആയുദ്ധമായിട്ടാണ് കാണുന്നത്.നാസികളുടെ ശ്രദ്ധ തിരിക്കാൻ വേണ്ടി ബലി കൊടുക്കപ്പെടുന്ന മനുഷ്യരെ പോലെ മാത്രമേ കാണുന്നുള്ളൂ.ഇവരിലെ ശെരി തെറ്റുകൾ വേർതിരിക്കുന്ന ദൗത്യം സംവിധായകൻ കാണിയുടെ കൈകളിൽ നൽകുകയും ചെയ്യുന്നു.
Verhoeven എന്ന സംവിധായകന്റെ ഹോളിവുഡ് രംഗപ്രവേശനത്തിന് മുൻപുള്ള സിനിമയായ ഇത് അദ്ദേഹത്തെ ഹോളിവുഡിൽ പ്രശസ്തനാക്കാനും സഹായിച്ചു.അദ്ദേഹത്തിന്റെ ഏറ്റവും മികച്ച സിനിമകളായ turkish delight, soldier of orange, the 4th man എന്നിവയെല്ലാം ആദ്യ കാലങ്ങളിലാണ് ഉണ്ടായിട്ടുള്ളത്.ഈ സിനിമയിൽ തുടക്കത്തിലേ mock-newsreel മുതൽ അദ്ദേഹത്തിന്റെ സംവിധാനത്തിലെ brilliance വിളിച്ചു പറയുന്നുണ്ട്,ഇതിൽ വിഷയപരമായും സാങ്കേതികപരമായും ഉള്ള മികവ് നമ്മുക്ക് കാണാൻ സാധിക്കുന്നതാണ്.

ഇതിലെ അഭിനേതാക്കളായ എല്ലാവരും തന്നെ മികച്ച പ്രകടനം കാഴ്ചവെക്കുന്നുണ്ട് ,എടുത്തു പറയേണ്ടത് erik എന്ന കഥാപാത്രത്തെ അവതരിപ്പിച്ച Rutger Hauer ,guus നെ അവതരിപ്പിച്ച Jeroen Krabbé എന്നിവരെ ആണ്.ഇവരുടെ പ്രകടനം verhoeven ഒപ്പം തന്നെ ലോക ശ്രദ്ധ പിടിച്ചുപറ്റുകയും ചെയ്തു.മികച്ച യുദ്ധ സിനിമകളിൽ ഒന്നായ ഇത് ഗോൾഡൻ ഗ്ലോബ് നോമിനേഷൻ നേടുകയും netherlands film festival ഉണ്ടാക്കിയ 20ആം നൂറ്റാണ്ടിലെ ഏറ്റവും മികച്ച ഡച്ച് സിനിമകളിൽ രണ്ടാം സ്ഥാനവും കരസ്ഥമാക്കിയിട്ടുണ്ട്(ഒന്നാം സ്ഥാനം verhoeven ന്റെ തന്നെ turkish delight നാണു ലഭിച്ചത്).ഈ സിനിമ കാണേണ്ട ഒന്ന് തന്നെയാണ്.